पिप्ले युवा क्लबद्धारा खसी उपहार फुटबल प्रतियोगिता सुरु

खेल

गृहपृष्ठ
खेल

पिप्ले युवा क्लबद्धारा खसी उपहार फुटबल प्रतियोगिता सुरु

सिधाखबर आइतबार, असोज ९, २०७९

हेटौंडा \ हेटौंडा ५ मा रहेको पिप्ले युवा क्लबको आयोजनामा शनिबार देखी खसी उपहार फुटबल प्रतियोगिता सुरु भएको छ । क्लबका अध्यक्ष सुशील घिमिरेको अध्यक्षता तथा पुर्व नगर प्रमुख हरिबहादुर महतको प्रमुख आतिथ्यतामा वडा भित्रका क्लब स्तरीय फुटबल प्रतियोगिता सुरु भएको हो ।

शनिबार भएको उद्घाटन खेलमा जनप्रवाह क्लबले रत्नकाली राई टोललाई २० गोल अन्तरले पराजित गरेको थियो । खेलको म्यान अफ म्याच भने जनप्रवाहका २ गोलकर्ता सन्जिव अर्याल घोषित भएका थिए । आइतबार दुई खेल हुनेछन् । प्रतियोगितामा वडा भित्रका क्लब र टोल समूह गरी ११ वटा टिमले सहभागिता जनाएका छन् ।

फाइनल खेल भने १३ गते हुने आयोजकले जनाएको छ । प्रतियोगितामा क्लबका सहसचिव तथा शान्ति अप्टिकल सेन्टरका सञ्चालक युवा व्यवसायी सुदीप सिं ठकुरीले चस्मा उपहार प्रदान गरेका छन् । पहिलो खेलमा सन्जिव अर्याललाई चस्मा उपहार प्रदान गरेका छन् ।

प्रतियोगिता क्याम्पा चौर खेल मैदानमा भइरहेको छ । प्रतियोगिताको विजेताले बसी र उपविजेताले बोका पुरस्कार प्राप्त गर्ने आयोजकले जनाएको छ ।

May be an image of 2 people and people standing

प्रकाशित मिति: आइतबार, असोज ९, २०७९ ०७:०४

प्रतिक्रिया दिनुहोस्