गुजरातमा झोलुङ्गे पुल भत्किँदा ज्यान गुमाउनेको सङ्ख्या १ सय ४१ पुग्याे

अन्तर्राष्ट्रिय

गृहपृष्ठ
अन्तर्राष्ट्रिय

गुजरातमा झोलुङ्गे पुल भत्किँदा ज्यान गुमाउनेको सङ्ख्या १ सय ४१ पुग्याे

सिधाखबर सोमबार, कात्तिक १४, २०७९

भारतको गुजरातमा पुल भाचिँदा ज्यान गुमाउनेको सङ्ख्या १ सय ४१ पुगेको छ । ज्यान गुमाउनेको सङ्ख्या अझै बढ्ने अनुमान छ । मोरबीको मच्चु नदीमाथिको पुल भाचिँदा कयाैँ मानिस नदीमा डुबेका भारतीय सञ्चारमाध्यमले जनाएका छन् ।

गुजरातका गृहमन्त्री हर्षसिंह साङ्घभीले अहिलेसम्म ६८ वटा शव भेटिएको बताउनु भएको छ । उहाँका अनुसार घटनास्थलमा उद्धारकाे काम भइरहेको छ । पुल भाचिँदा नदीमा डुबेका कतिपय बेपत्ता छन् ।

भारतीय सञ्चारमाध्यमका अनुसार यो पुल १ सय ४० वर्ष पुरानो मानिन्छ । मर्मतसम्भारका लागि ६ महिनासम्म बन्द गरिएको यो पुल गएको शुक्रवारदेखि मात्रै आवतजावतका लागि खोलिएको थियो । गुजरातका मुख्यमन्त्री भुपेन्द्र पटेलले ज्यान गुमाएकाका परिवारलाई चार लाख रुपैयाँ र घाइतेलाई ५० हजार भारतीय रुपैयाँ राहत दिने घोषणा गर्नुभएको छ ।

पटेलले यो घटनाको छानबिनका लागि उच्चस्तरीय समिति गठन गर्नुभएको छ । उहाँले लापरबाही गरी पुल खोल्नेलाई कारबाही हुने बताउनुभएको छ ।

प्रकाशित मिति: सोमबार, कात्तिक १४, २०७९ १६:१३

प्रतिक्रिया दिनुहोस्