विकासका लागि गठबन्धनलाई मतदान : कुमारी मोक्तान

राजनीति

गृहपृष्ठ
राजनीति

सत्तारुढ गठबन्धन विकासका लागि गठबन्धनलाई मतदान : कुमारी मोक्तान संविधानको रक्षाका लागि गठबन्धनले जित्नुपर्छ : खतिवडा

सिधाखबर मंगलबार, कात्तिक १५, २०७९

भीमफेदी \ नेकपा (माओवादी केन्द्र)की पोलिटब्युरो सदस्य, मकवानपुर ईञ्चार्ज तथा प्रदेश सभा मकवानपुर २ (क) उम्मेदवार कुमारी मोक्तानले देशको समग्र विकासको लागि मंसिर ४ मा हुने निर्वाचनमा गठबन्धनका उम्मेद्वारहरुलाई मतदान गर्न आग्रह गरेकी छिन् ।

मकवानपुरको भीमफेदी गाउँपालिका १, किसेडीमा आयोजित कार्यकर्ता भेटघाट तथा अन्तरक्रिया कार्यक्रममा बोल्दै उनले आफ्नो कार्यकालमा उक्त क्षेत्रमा पक्की पुल निर्माण गरेको भन्दै अबको कार्यकालमा सडक, स्वास्थ्य, शिक्षा क्षेत्रमा सुधार गर्दै जनताको बीचमा बसेर काम गरिरहने बताइन् ।

बागमती प्रदेशको सामाजिक विकास मन्त्री समेत रहेकी मोक्तानले आगामी कार्यकालमा यस क्षेत्रमा सडकको स्तरोन्नति र खानेपानी व्यवस्थापन लगायत विकास निर्माणमा केन्द्रित रहने बताइन् ।

कार्यक्रममा नेकपा (एकीकृत समाजवादी)का स्थायी समिति सदस्य तथा मकवानपुर क्षेत्र नं. २ का प्रतिनिधि सभा सदस्य उम्मेद्वार बिरोध खतिवडाले संविधानको रक्षा गरी यस क्षेत्रको विकासका लागि गठवन्धनका उम्मेद्वारलाई जिताउन आग्रह गरेका छन् । उनले समग्र मकवानपुरको विकासका लागि आफु मन्त्री हुँदा केही कार्यको सुरुवात गरेको र आगामी कार्यकालमा थप योजना बनाई विकास निर्माणमा सहभागी हुने बताए ।

नेपाली काँग्रेसका रमेशकुमार थिङको अध्यक्षतामा भएको कार्यक्रममा नेपाली काँग्रेस भीमफेदीका सल्लाहकार नारायण थापा, नेकपा माओवादी केन्द्रका नेता बद्री स्याङ्तान, नेकपा (एकीकृत समाजवादी) मकवानपुरका सचिवालय सदस्य माधव तिमल्सिना लगायतले आफ्नो भनाई राख्दै गठबन्धनका उम्मेदवारलाई जिताउन सबैजना लाग्न आग्रह गरेका छन् ।

प्रकाशित मिति: मंगलबार, कात्तिक १५, २०७९ १७:४३

प्रतिक्रिया दिनुहोस्