चलचित्र विकास बोर्डको अध्यक्षमा भुवन केसी

चलचित्र/मनोरञ्जन

गृहपृष्ठ
चलचित्र/मनोरञ्जन

चलचित्र विकास बोर्डको अध्यक्षमा भुवन केसी

सिधाखबर मंगलबार, साउन १०, २०७९

नेपाली चलचित्र क्षेत्रको सर्वोच्च संस्था चलचित्र विकास बोर्डको अध्यक्ष पदमा सरकारले अभिनेता भुवन केसीलाई नियुक्त गर्ने निर्णय गरेको छ । सोमवार बसेको मन्त्रिपरिषद्को बैठकले उनलाई दुई वर्षका लागि बोर्ड अध्यक्षको जिम्मेवारी दिने भएको हो ।

दयाराम दाहालको दुई वर्षे कार्यकाल सकिएपछि गत असार १५ गते सञ्चार तथा सूचना प्रविधि मन्त्रालयले एक सूचना प्रकाशित गरेर बोर्ड अध्यक्षका लागि विभिन्न मापदण्ड तोक्दै आवेदन माग गरेपछि भुवनसहित अरुणकुमार प्रधान, दीपक श्रेष्ठ, नरेश पौडेल, निर्मलराज ढकाल, मनिष पण्डित, सम्झना उप्रेती रौनियार, सुचित्रा श्रेष्ठ, सुशील पोखरेल र सुष्मा कार्कीले दरखास्त दिएका थिए ।

नायकको रुपमा आफ्नो करिअरको थालनी गरेका भुवन केसी अभिनीत पहिलो चलचित्र ‘जुनी’ हो । ९० को दशकमा ठूलो स्टारडम बनाएका उनका प्रायः चलचित्र व्यावसायिक रुपमा सफल छन् । ‘कुमुसे रुमाल’, ‘सन्तान’, ‘कन्यादान’, ‘चिनो’, ‘करोडपति’, ‘नेपाली बाबु’, ‘सुपरस्टार’ जस्ता चलचित्रले उनलाई सुपरस्टार बनायो । अहिले उनका छोरा अनमोलले चलचित्र क्षेत्रलाई लिड गरिरहेका छन् ।

प्रकाशित मिति: मंगलबार, साउन १०, २०७९ १०:३२

#चलचित्र

प्रतिक्रिया दिनुहोस्