जग्गा भाडा बढाउने निर्णयप्रति उद्योग संघको विरोध

मकवानपुर

गृहपृष्ठ
मकवानपुर

उद्योग संघ जग्गा भाडा बढाउने निर्णयप्रति उद्योग संघको विरोध

सिधाखबर बुधबार, साउन ११, २०७९

औद्योगिक क्षेत्र व्यवस्थापन कम्पनि लिमिटेडले जग्गा भाडा बढाउने निर्णय कार्यान्वयन गर्न लागेको भन्दै त्यसको उद्योग संघ मकवानपुरले विरोध गरेको छ ।

नयाँ भाडा दर लागू गर्न लागेकोप्रति उद्योगी व्यवसायीहरुले विरोध जनाएका छन् । उद्योग संघ मकवानपुरका अध्यक्ष स्वागतराज प्याकुरेलले एक विज्ञप्ति जारी गर्दै जग्गा भाडा दर वृद्धिप्रति संघको पूर्ण असहमती रहेको बताए ।

विभिन्न उद्योग संघहरु र औद्योगिक क्षेत्र उद्योग महासंघको प्रयासमा तत्कालिन समयमा उद्योग, वाणिज्य तथा आपूर्ति मन्त्रीले बढेको भाडा वृद्धि लागू नगर्न लिमिटेडलाई निर्देशन दिएको प्याकुरेलले स्मरण गराए ।

लागू गर्न खोजिएको भाडा वृद्धि आवश्यक नरहेको विज्ञप्तिमा उल्लेख छ । कोरोना महामारीका कारण थला परेका उद्योगहरु तंग्रिन खोजिरहेको बेला तरलता अभाव र महागीले धरासायी हुने स्थितिमा पुगेको बेला उद्योगीलाई भाडा वृद्धिको निर्णयले हतोत्साहित बनाएको प्याकुरेलको भनाइ छ ।

संघले भाडा वृद्धि आवश्यक नभएको तथ्यांक सहित सुझाव समेत पेश गरेको छ ।

प्रकाशित मिति: बुधबार, साउन ११, २०७९ १८:५०

#उद्योग संघ

प्रतिक्रिया दिनुहोस्