जीबिएनसीलाई निर्वाचन तयारीको चटारो

अन्तर्राष्ट्रिय

गृहपृष्ठ
अन्तर्राष्ट्रिय

जीबिएनसीलाई निर्वाचन तयारीको चटारो

सिधाखबर आइतबार, असोज २, २०७९

अमेरिकाको म्यासाचुसेट्स राज्यमा बसोवास गर्ने प्रवासी नेपाली तथा नेपाली भाषीहरुको संगठन ‘ग्रेटर बोस्टन नेपाली सामुदय (जीबिएनसी) लाई यतिबेला निर्वाचन तयारीको चटारो परेको छ । विधान अनुसार प्रत्येक दुइ वर्षमा निर्वाचन गरी नयाँ कार्यसमिति चयन गर्नु पर्ने व्यवस्था भए अनुसार, वर्तमान कार्समितिको दुइ वर्षे कार्यकाल (२०२०–२०२२) सकिनै लागेकाले, आगामी कार्यकाल (२०२२–२०२४)का लागि नयाँ कार्यसमिति चयन गर्न निर्वाचन गर्नु पर्ने चटारो परेको हो ।

संस्थाले संस्थाको विधान अनुसार आगामी दुइ वर्षे कार्यकाल(२०२२–२०२४) का लागि नयाँ कार्यसमिति चयन गर्न विरोचन नेपालको संयोजकत्वमा, प्रेम तामाङ र भुवन गुरुङ सदस्य रहेको तीन सदस्यीय निर्वाचन समिति गठन गरेर निर्वाचन सम्पन्न गर्न निर्वाचन समितिलाई पूर्ण जिम्मेवारी सुम्पिसकेको छ ।

सोही मुताबिक निर्वाचन समितिले पनि संस्थाको विधान अनुसार यही सेप्टेम्बर २५, २०२२ तारिखका दिन निर्वाचन सम्पन्न गर्ने भनी सूचना समेत जारी गरिसकेको छ । निर्वाचनको तयारी अन्तर्गत निर्वाचन समितिले निर्वाचन तालिका समेत सार्वजनिक गरेर आवश्यक तयारी थालिसकेको हो ।

निर्वाचन समितिका संयोजक बिरोचन नेपालका अनुसार समितिले आफ्नो तयारीलाई तिव्र्रता दिएको छ । निर्वाचन तयारीका सम्बन्धनमा जानकारी दिदै संयोजक नेपालले भने, ’संस्थाको विधान अनुसार निर्वाचन सम्पन्न गरेर संस्थाले दिएको जिम्मेवारी पुरा गर्नमा हामी निर्वाचन समिति प्रतिवद्ध छौं ।
निर्वाचन समितिले तोके बमोजिम पशुपतिनाथ बुद्ध फाउन्डेशनको भवनमा निर्वाचन सम्पन्न गर्न कार्यसमितिले पनि आफ्नो तर्फबाट आवश्यक तयारी थालेको संस्थाका अध्यक्ष मिलन कुमार कार्कीले जानकारी दिए ।

प्रकाशित मिति: आइतबार, असोज २, २०७९ ०७:३३

प्रतिक्रिया दिनुहोस्