चैनपुर जेसीज मनहरीको भित्तेपात्रो विमोचनसहित शुभकामना आदानप्रदान

समाचार

गृहपृष्ठ
समाचार

विमोचन चैनपुर जेसीज मनहरीको भित्तेपात्रो विमोचनसहित शुभकामना आदानप्रदान

सिधाखबर शनिबार, वैशाख १२, २०८३

मनहरी \ चैनपुर जेसीज मनहरीले नयाँ वर्ष २०८३ सालको अवसरमा शुभकामना आदानप्रदानसहित भित्तेपात्रो विमोचन गरेको छ । जेसीजले प्रकाशन गरेको भित्तेपात्रो शनिबार बिहान एक कार्यक्रमकाबीच विमोचन गरिएको हो । कार्यक्रम संयोजक हरिप्रसाद अधिकारीको संयोजकत्व एवम् जेसीजका अध्यक्ष सुरेश गौतमको अध्यक्षतामा भएको कार्यक्रममा मनहरी गाउँपालिका उपाध्यक्ष सीता पुलामी मगरको प्रमुख आतिथ्यता रहेको थियो ।

मनहरी गाउँपालिका उपाध्यक्ष मगरले मनहरी गाउँपालिकामा युवा र खेलकुदको क्षेत्रमा जेसीजले हातेमालो गर्दै आएकोमा खुसी व्यक्त गर्दै सहयोग र सहकार्यका लागि सदैव तयार रहेको बताइन् । उनले नयाँ वर्षको शुभकामना दिँदै सबै पालिकाबासीको सुख, शान्ति, समृद्धिको कामना समेत गरिन्् । मगरले मनहरीका युवाहरुलाई जेसीजमा आबद्ध हुन समेत आग्रह गरिन् । युवामा लागूऔषध दुव्र्यसनीको समस्या बढेकोप्रति चिन्ता व्यक्त गर्दै उनले जेसीजले यस क्षेत्रमा विशेष कार्यक्रमको आयोजना गर्न अनुरोध समेत गरिन् ।

कार्यक्रममा मनहरी गाउँपालिका ४ नम्बर वडा अध्यक्ष प्रकाश थापा, चैनपुर जेसीज मनहरीका संस्थापक अध्यक्ष गणेशदर्पण अधिकारी, अध्यक्ष सल्लाहकार विदुरविक्रम थापा, कार्यकारिणी उपाध्यक्ष राजु सुवेदीलगायतले नयाँ वर्षको व्यक्त गर्दै सामाजिक गतिविधिसँगै आवश्यकता अनुसारका कार्यक्रमलाई अघि बढाउन आग्रह गरे । कार्यक्रममा जेसीजका निवर्तमान अध्यक्ष श्रीकृष्ण ढकालसहित स्थानीय विभिन्न संघसंस्थाका प्रमुख प्रतिनिधिको आतिथ्यता रहेको थियो ।

प्रकाशित मिति: शनिबार, वैशाख १२, २०८३ २१:२५

प्रतिक्रिया दिनुहोस्