हेटौंडामा चैत्र ४ बाट अन्तरपालिका फुटवल

समाचार

गृहपृष्ठ
समाचार

अन्तरपालिका फुटबल प्रतियोगिता हेटौंडामा चैत्र ४ बाट अन्तरपालिका फुटवल

सिधाखबर बुधबार, चैत १, २०७९

हेटौंडा \ मकवानपुर जिल्लामा रहेका पालिकाहरु बीच सम्बन्ध जोड्ने उद्देश्य सहित हेटौंडामा आउँदो चैत्र ४ गतेबाट अन्तरपालिका जिल्ला स्तरीय फुटबल प्रतियोगिता हुने भएको छ ।

जिल्ला समन्वय समिति मकवानपुर प्रायोजन तथा जिल्ला खेलकुद विकास समितिको आयोजनामा हुने प्रतियोगितामा जिल्लामा रहेको १० वटै पालिकाको सहभागिता रहने छ । समितिले मंगलबार पालिकाहरुको टाइसिट सार्वजनिक गर्दै प्रतियोगिता सञ्चालनको बारे जानकारी गराएको हो ।

जिल्ला समन्वय समितिका प्रमुख ललित बहादुर घलानले चैत्र ४ देखि ११ गते सम्म प्रतियोगिता हेटौंडा–५ पिप्ले क्याम्पा मैदानमा हुने जानकारी दिए । टाइसिट अनुसार प्रतियोगितामा चैत्र ४ गते कैलाश र भीमफेदी, चैत्र ५ गते हेटौंडा र बकैया, राक्सिराङ र थाहानगर, चैत्र ६ मकवानपुरगढि र इन्द्रसरोवर बीच प्रतिश्पर्धा गर्ने छन् ।

प्रतियोगितामा चैत्र ४ गतेको विजेतासँग मनहरीले र चैत्र ५ गते हुने राक्सिराङ र थाहा बीचको विजेतासँग बागमतीले खेल्ने छ । मनहरी र बागमतीले खेलतालिका अनुसार ‘बाइ’ पाएका छन् । प्रतियोगितामा विजेताले नगद २ लाख र उप विजेताले नगद १ लाख रुपियाँ सहित शिल्ड, मेडल र प्रमाणपत्र प्राप्त गर्नेछन् ।

प्रतियोगितामा खेल अवधि भरको उत्कृष्ठ खेलाडीले नगद १० हजार पुरस्कार राशी तोकिएको छ । प्रतियोगितामा सहभागि हुनका लागि ३० वर्ष मुनिको सम्बन्धी पालिकाको खेलाडी हुनुपर्ने र विभागीय टोली वा ए डिभिजन खेलेका खेलाडीहरु समावेस गर्न नपाइने उल्लेख रहेको छ ।

प्रकाशित मिति: बुधबार, चैत १, २०७९ ०७:४३

प्रतिक्रिया दिनुहोस्