तेश्रो मेयर कपमा हेटौंडा १० को विजयी सुरुवात

खेल

गृहपृष्ठ
खेल

तेश्रो मेयर कपमा हेटौंडा १० को विजयी सुरुवात

सिधाखबर मंगलबार, जेठ १६, २०८०

हेटौंडा \ हेटौंडा–५ पिप्ले क्याम्पा रंगशालामा जारी तेश्रो मेयर कप फुटबल प्रतियोगितामा हेटौंडा १० ले विजयी सुरुवात गरेको छ ।

प्रतियोगिता अन्तरगत मंगलबार भएको प्रतिश्पर्धात्मक खेलमा हेटौंडा-६ लाई २-० गोल अन्तरले पाखा लगाउँदै हेटौंडा १० ले बिजयी सुरुवात गरेको हो । निकै प्रतिस्पर्धात्मक खेलको पहिलो हाफ गोल रहित बराबरीमा रोकिएको थियो । सुरुवाती चरणबाटै राम्रो मौकाहरु गुमाएका दुवै टिमले पहिलो हाफमा अग्रता लिन सकेको थिएन ।

दोश्रो हाफमा अग्रता बनाउने प्रयत्न भएपनि १० नम्बरले खेलको ४१ औं मिनेटमा खेलमा अग्रता लिएको थियो । टिमलाई अग्रता दिलाउन १० नम्बरका प्रीतम स्याङवोले गोल गरेका थिए । एक गोलले अग्रता लिएको १० नम्बर सँग बराबरी गर्दै खेलमा फर्कने प्रयास गरेको ६ नम्बरको प्रयत्न सफल हुन नपाउँदै खेलको ५१ औं मिनेटमा गोलअन्तर दोव्बर भएको थियो । टिमका लागि उनै स्याङवोले दुई गोलको अन्तर निकाल्दै टिमलाई विजयी बनाए ।

प्रतियोगितामा राम्रा मुभहरु बनाएका हेटौंडा ६ का सुरज स्याङतान म्यान अफ दी म्याच घोषित भए । उपमहानगरका १९ वडाको सहभागिता रहेको प्रतियोगितामा विजेताले नगद २ लाख, उपविजेता १ लाख ५० हजार, सान्त्वना २ वटा टिमलाई ५०/५० हजार, सर्वोत्कृष्ठ खेलाडीलाई १५ र उत्कृष्ठ खेलाडीहरुलाई ५/५ हजार रुपियाँ नगद सहित शिल्ड एवम् मेडल पुरस्कार रहेको आयोजकले जनाएको छ ।

प्रतियोगिता अन्तरगत बुधवार हेटौंडा ४ र १८ नम्बर वडा बीच खेल हुने आयोजकले जनाएको छ । हेटौंडा उपमहानगरपालिका नगर खेलकुद विकास समितिको आयोजनामा भएको प्रतियोगिता जेठ २७ गते सम्म चल्ने छ ।

प्रकाशित मिति: मंगलबार, जेठ १६, २०८० १९:२८

प्रतिक्रिया दिनुहोस्