चालु आवमा सवारी दुर्घटनाबाट मकवानपुरमा ६१ जनाको मृत्यु

समाचार

गृहपृष्ठ
समाचार

चालु आवमा सवारी दुर्घटनाबाट मकवानपुरमा ६१ जनाको मृत्यु

सिधाखबर आइतबार, असार ३१, २०८०

मकवानपुरमा चालु आवमा सवारी दुर्घटनाबाट ६१ जनाको मृत्यु भएको छ । जिल्ला ट्राफिक कार्यालय मकवानपुरका अनुसार ५१ जना पूरुष, ९ जना महिला र एक बालिका गरी ६१ जनाले बिभिन्न सवारी दुर्घटनाबाट ज्यान गुमाएका हुन् । जिल्लामा एक वर्षमा ३ सय ६३ वटा सवारी साधान दुर्घटना भएको जिल्ला ट्राफिक प्रमुख प्रहरी निरिक्षक बसन्त आचार्यले बताउनुभयो । सवारी दुर्घटनामा १ सय ८७ वटा मोटरसाइकल रहेका छन् भने जीपकार ५१ वटा, ट्रकट्यांकर ४८ वटा, यात्रु बहाक बस ३३ वटा, टेम्पो १६ वटा, ट्याक्टर ११ वटा, टिपर, माइक्रो र साना सवारी साधन गरि १७ वटा रहेको आचार्यले बताउँनुभयो ।

सवारी साधन दुर्घटनामा गम्भिर घाईते २ सय ५ जना र सामान्य घाईते ३ सय ६५ रहेको छ । सवारी दुर्घटना परेर सवारी साधनको क्षति २ करोड ५७ लाख ७६ हजार लागत रहेको प्रमुख आचार्यले बताउनुभयो । दुर्घटना प्रायः तीव्रगतिमा १४१, यान्त्रिक गडबढमा ५०, चालकको लापरवाहीबाट १४, ओभरटेक ८ र मापसेबाट १२ वटा दुर्घटना भएको आचार्यले बताउनुभयो ।

प्रकाशित मिति: आइतबार, असार ३१, २०८० ०७:१५

#सवारी दुर्घटना

प्रतिक्रिया दिनुहोस्