उद्घोषण तथा नेतृत्व विकास तालिम सम्पन्न

समाचार

गृहपृष्ठ
समाचार

तथा सम्पन्न उद्घोषण तथा नेतृत्व विकास तालिम सम्पन्न

सिधाखबर सोमबार, पुस ९, २०८०

हेटौडा / हेटौडा ५ पिप्लेमा आयोजना गरिएको १२ दिने उद्घोषण तथा नेतृत्व विकास तालिम सम्पन्न भएको छ । समाजका युवा वर्गलाई उद्घोषण सम्बन्धी तालिम प्रदान गरी उनीहरूको सीपमा वृद्धि विकास गर्न सहयोग पुयाई आत्मनिर्भर बनाउने र समाज तथा राष्ट्रको विकासका लागि योगदान गर्न सक्ने दक्ष जनशक्ति उत्पादन गर्ने उद्देश्यले आयोजना गरिएको १२ दिने उद्घोषण तथा नेतृत्व विकास तालिमको सोमबार समापन गरिएको हो । लालित्य सेवा प्रतिष्ठानको आयोजनामा गएको मंसिर २८ गते देखी भएको तालिमको समापन गर्दै हेटौडा उपमहानगरपालकिाका उपमेयर राजेश बानियाँले दक्ष जनशक्ती उत्पादनमा यस्ता तालिम प्रशिक्षणको आवश्यक्ता रहेको बताउनु भयो । उहाँले आफुभित्र भएके निखारता बाहिर ल्याउन पनि प्रशिक्षणले ठुलो टेवा पुग्ने बताउनु भयो ।

उपमहानगरबाट पनि सीप मुलक तालिमका लागी आफुहरुले काम गरिरहेको बताउदै हामी सबैको लक्ष्य भनेकै दक्ष जनशक्ती उत्पादन गरेर आयअर्जनमा जोड दिनु हो बानियाँले बताउनु भयो । बागमती प्रदेश सामाजिक विकास मन्त्रालयको आर्थिक सहयोगमा आयोजित तालिममा २५ जना महिला पुरुषहरुले प्रशिक्षण लिएका थिए । तालिममा पत्रकार महासंघ बागमती प्रदेशका उपाध्यक्ष रुपेश दुलाल र पत्रकार महासंघ मकवानपुर अध्यक्ष मणिराज गौतमले प्रशिक्षण प्रदान गर्नु भएको थियो ।

समापन समारोहमा प्रशिक्षार्थीहरुले तालिम उपलब्धीमुलक भएको बताएका छन् । अगाडी गएर बोल्न समस्या थियो तालिम पश्चात त्यो डर हटेको छ सहभागी प्रशिक्षार्थी सरला दाहालले बताउनु भयो । समापना समारोहमा हेटौडा ५ का वडा अध्यक्ष सुशील घिमिरेले आफनो वडामा तालिम ल्याएर यहाँका युवायुवतीहरुलाई दक्ष बनाउन सहयोग गरेकोमा आयोजक प्रतिष्ठानलाई धन्यवाद दिनु भयो । प्रतिष्ठानका अध्यक्ष मुना पाठकको अध्यक्षतामा भएको कार्यक्रममा ५ नम्बर वडा सदस्य राम राई, नेपाल पत्रकार महासंघ बागमती प्रदेशका उपाध्यक्ष रुपेश दुलाल,नेपाल पत्रकार महासंघ मकवानपुरका अध्यक्ष मणिराज गौतम,रुद्रेश्वर मन्दिर व्यवस्थापन समितिका अध्यक्ष राजिव सुवेदी लगाएतले तालिम र यसको उपलब्धीका बारे चर्चा गर्नु भएको थियो ।

No description available.

प्रकाशित मिति: सोमबार, पुस ९, २०८० १६:२०

प्रतिक्रिया दिनुहोस्