हेटौंडामा वन नीति र ऐन सम्बन्धी तालिम

समाचार

गृहपृष्ठ
समाचार

हेटौंडामा वन नीति र ऐन सम्बन्धी तालिम

सिधाखबर शुक्रबार, जेठ २, २०८२

हेटौंडा \ हेटौंडामा दुई दिने वन नीति, वन ऐन, औद्योगिक ऐन र सहकारी ऐन तथा दीगो वन व्यवस्थापन सम्बन्धी तालिम भएको छ । वन तथा कृषि सहज कार्यक्रमको सहयोगमा हेटौंडा ५ पिप्लेमा अवस्थित पिप्ले पोखरा सामूदायिक वन उपभोक्ता समूहले तालिमको आयोजना गरेको हो ।

वन समूहका अध्यक्ष रामहरि चौलागाईको अध्यक्षता तथा हेटौंडा ५ का वडाध्यक्ष सुशील घिमिरेको प्रमुख आतिथ्यतामा तालिम भएको थियो । तालिमलाई डिभिजन वन कार्यालय हेटौंडाका वन अधिकृत बसन्तराज गौतम र सव डिभिजन वन कार्यालय हेटौंडाका वन अधिकृत सविना रिजालले सहजीकरण गरेका थिए ।

तालिममा श्रमजीवि महिला काष्ठ हस्तकलाका संयोजक तथा प्रतिनिधि लगायत वन समूहका पदाधिकारी तथा सदस्यहरुको सहभागिता रहेको थियो । कार्यक्रमलाई वन तथा कृषि सहज कार्यक्रमका संयोजक सन्ध्या शिवाकोटीले सहजीकरण गरेकी थिइन् ।

प्रकाशित मिति: शुक्रबार, जेठ २, २०८२ १३:३७

प्रतिक्रिया दिनुहोस्