पिप्लेपोखरामा १५ दिने ठेकी तालिम सकियो

समाचार

गृहपृष्ठ
समाचार

पिप्लेपोखरामा १५ दिने ठेकी तालिम सकियो

सिधाखबर सोमबार, असार ९, २०८२

हेटौँडा \ पिप्लेपोखरा सामुदायिक वन उपभोक्ता समूहले आयोजना गरेको १५ दिने ठेकी बनाउने तालिम आइतबार सम्पन्न भएको छ। वन तथा कृषि सहज कार्यक्रमको आर्थिक सहयोगमा सञ्चालित यस तालिमको समापनमा डिभिजन वन कार्यालय मकवानपुरका प्रमुख राकेशप्रसाद चन्द्रवंशीले सहभागीहरूलाई सिकेको सीप व्यवसायमा रुपान्तरण गर्न आह्वान गरे।

जेठ २४ देखि असार ७ सम्म सञ्चालित तालिममा १४ जना सदस्यले ठेकी निर्माणका आधारभूत सीपहरू सिकेका थिए।प्रमुख चन्द्रवंशीले ठेकीको बजार मूल्य वृद्धि गर्न "फिनिशिङ" (अन्तिम सजावटी प्रशोधन) सिपको अत्यावश्यकतामा जोड दिँदै भने, "उत्पादनलाई बजारमुखी बनाउन डिजाइन, रङ र पोलिसको ज्ञान निकै महत्त्वपूर्ण छ। यसले निकै राम्रो मूल्य पाउन सकिन्छ।"

समापन कार्यक्रमका विशेष अतिथि वडा ५ का अध्यक्ष सुशील घिमिरेले यस प्रकारका तालिमले स्थानीयस्तरमा रोजगारी सृजना गर्ने बताउँदै समूहलाई बधाई दिए। समूहका अध्यक्ष रामहरि चौलागाईंले तालिमबाट सदस्यहरूले प्राप्त गरेको दक्षतालाई आयआर्जनको श्रोतमा परिणत गर्ने प्रतिवद्धता जाहेर गरे। कार्याक्रममा वडा सदस्य ज्ञानबहादुर थापा र रंजिता सिलवालको समेत उपस्थित रहेको थियो । तालिमको व्यावहारिक शिक्षा र प्रशिक्षकहरूको सहयोगलाई उपयोगी बताए । तालिमलाई प्रशिक्षक सानु भाइ सुनारले प्रशिक्षण गरेका थिए । तालिममा सरस्वती राईले उत्कृष्ट प्रदर्शन गरेकाका कारण एक हजार रुपैयाँ नगद पुरस्कारबाट सम्मानित भइन्।

यसैको क्रममा अध्यक्ष चौलागाईंले आगामी असार १३ गतेदेखि थप एक हप्ते तालिम सञ्चालन गरिने घोषणा गरे। उनले उक्त तालिमले सहभागीहरूलाई ठेकीको गुणस्तर र आकर्षण बढाउने सिपमा निपुण बनाउनेछ जसले गर्दा उनीहरूले स्थानीय बजारमै राम्रो मूल्य पाउन सक्नेछन्।

प्रकाशित मिति: सोमबार, असार ९, २०८२ १०:५३

प्रतिक्रिया दिनुहोस्