हेटौंडाबाट स्वदेशी मार्ट सञ्चालनमा आउने

समाचार

गृहपृष्ठ
समाचार

हेटौंडाबाट स्वदेशी मार्ट सञ्चालनमा आउने

सिधाखबर बिहीबार, कात्तिक ३, २०७९

हेटौंडा \ बागमती प्रदेशको राजधानी हेटौंडामा स्वदेशी उत्पादनलाई जोडदिने उद्देश्यले स्वदेशी मार्ट सञ्चालनमा आउने भएको छ । स्वदेशमा उत्पादन हुने करिब एक हजार वस्तु विक्री वितरण गर्ने उद्देश्यले सञ्चालनमा आउन लागेको यस मार्टलाई जमादार ग्रुपले सञ्चालनमा ल्याउन लागेको हो ।

हेटौंडाको कान्तिराजपथबाट सुरु भइ नेपालका ७७ वटै जिल्लामा मार्टको शाखा सञचालन गर्ने उद्देश्यले स्थापित यस मार्टले खाद्यान्न, स्वास्थ्य सामाग्री, लत्ताकपडा जस्ता नेपाली उत्पादनलाई मात्र विक्री वितरण गर्ने जमादार ग्रुपका सञ्चालक अमित अग्रवालले बताए ।

यस मार्ट सञ्चालनमा आएपछि नेपाली उत्पादित वस्तु खरिद र विक्री दुबै गर्न सकिनेछ । नेपाली उत्पादन हुनुपर्यो हामी किन्न र बेच्न दुबै तयार रहेको अग्रवालले बताएका छन् । समयको माग अनुसार नेपाली वस्तु उत्पादन संख्या बढाउने उनले बताए । आफ्नो उत्पादन विक्री गर्न चाहेमा हेटौंडा २ मा रहेको मार्टमा सम्र्पक राख्न सकिने उनले बताए ।

प्रकाशित मिति: बिहीबार, कात्तिक ३, २०७९ १६:५९

प्रतिक्रिया दिनुहोस्