अनविज्ञ ब्याण्डले हेटौंडामा देउसी भैलो खेल्ने

मकवानपुर

गृहपृष्ठ
मकवानपुर

अनविज्ञ ब्याण्डले हेटौंडामा देउसी भैलो खेल्ने

सिधाखबर शनिबार, कात्तिक ५, २०७९

हेटौंडा \ मामाघर नेपाललाई सहयोग गर्ने उद्देश्यले हेटौंडामा रहेको अनविज्ञ ब्यान्डद्वारा हेटौंडाको विभिन्न स्थानमा देउसी भैलो कार्यक्रम गर्ने भएको छ । शनिबार पत्रकार सम्मेलनको आयोजना गर्दै अनविज्ञ ब्यान्डका संरक्षक पर्वतजंग गुरुङले सोमबार लक्ष्मी पुजाको दिनदेखि ५ दिनसम्म देउसीभैलो कार्यक्रमलाई निरन्तरता दिने बताए ।

गुरुङका अनुसार ब्यान्डले हेटौंडाको स्वर्गलोक पथ, संगमचोक, चौकीटोल, कमाने, क्याम्पाडाँडा लगायत विभिन्न ठाउँमा देउसी भैलो खेलिने बताएका थिए ।

विगत १० बर्षदेखि खेलिँदै आएको देउसी भैलो यसबर्ष अभिभावक बिहिन भान्जाहरूलाई आश्रय दिइरहेको मामाघर नेपाललाई सहयोग गर्ने उद्देश्यका साथ १० जनाको टिममा देउसी भैलो खेल्न लागिएको कार्यक्रम संयोजक संग्राम बल लामाले बताए ।

देउसी भैलो कार्यक्रमको लागि लगभग ७० हजार रुपैयाँ खर्च हुने गुरुङले अनुमान लगाएका छन् । देउसी भैलो कार्यक्रमबाट डेढ लाख देखी २ लाख सम्म रकम संकलन गरिने लक्ष्य रहेको ब्यान्डले जानकारी गराए ।

अनविज्ञ ब्यान्ड मकवानपुरका म्यानेजर तथा कार्यक्रम संयोजक संग्राम बल लामाले जिल्लामा पहिलो पटक संस्कृति जगेर्ना गर्ने उद्देश्यले युवाहरुले सामाजिक क्षेत्रमा योगदान दिने उद्देश्यले देउसी भैलो गर्न लागेको बताएका छन् ।

प्रकाशित मिति: शनिबार, कात्तिक ५, २०७९ १८:३२

प्रतिक्रिया दिनुहोस्