वीपीको जन्मजयन्तीको अवसर मकवानपुरमा जागरण अभियानको शुभारम्भ

१०६ वटा विरुवा रोपेर अभियान सुरु
२५ भाद्र २०७६, बुधबार ०८:३८

सिधाखबर \ नेपाली कांग्रेस मकवानपुरले जननेता वी.पी. कोइरालाको १०६ औं जन्म जयन्तीको अवसर पारेर मंगलबारबाट मकवानपुरको चारै प्रदेश क्षेत्रबाट दोश्रो चरणको जागरण अभियानको शुभारम्भ गरेको छ ।

कांग्रेस मकवानपुरले मकवानपुरको प्रतिनिधिसभा १ को क र ख तथा प्रतिनिधिसभा २ को क र ख क्षेत्रमा वी.पी. कोइरालाको १०६ औं जन्मजयन्तीको अवसर पारेर १०६ थान विभिन्न जातका विरुवा रोपेर दोश्रो चरणको जागरण अभियानको शुरुवात गरेको हो । प्रतिनिधिसभा १ को ख र २ ख मा नेपाली कांग्रेसका केन्द्रीय महामन्त्री डा. शशांक कोइरालाको प्रमूख आतिथ्यतामा १०६ वटा विभिन्न जातका विरुवा रोपेर दोश्रो चरणको जागरण अभियान शुभारम्भ गरिएको हो ।

कार्यक्रममा बोल्दै प्रमूख अतिथि कोइरालाले पार्टीभित्रको आन्तरिक तिक्ततालाई मेटाउँदै कम्युनिष्टको गलत क्रियाकलापको भण्डाफोर गर्दै आमजनतामा जान दोश्रो चरणको जागरण अभियान आज बाट सुरु गरेको बताए । नेता कोइरालाले कांग्रेस आफ्नै आन्तरिक कलहले मात्रै हारेको बताउँदै कांग्रेसजन एकजुट भए कसैले पनि हराउन नसक्ने भन्दै वीपीको सिद्धान्त ठूलो मान्छे हैन, असल मान्छे बन भन्ने मूलमन्त्रलाई आत्मसाथ गर्दै सबैलाई एकजुट भई पार्टीलाई एकढिक्का बनाएर अगाडी बढन निर्देशन दिए ।

कांग्रेसको प्रतिनिधिसभा १ को क मा क्षेत्रीय सभापति डिल्लीप्रसाद घोरासैनीको सभाध्यक्षता तथा केन्द्रीय प्रतिनिधि प्रेमचन्द्र दाहालको प्रमूख आतिथ्यतामा भएको थियो भने प्रतिनिधिसभा १ को ख मा क्षेत्रीय उपसभापति गणेशहरी उप्रेतीको सभाध्यक्षता तथा केन्द्रीय प्रतिनिधि ऋषिराम घिमिरेको आतिथ्यतामा कार्यक्रम भएको थियो ।

यसैगरी प्रतिनिधिसभा २ क ईन्द्रसरोवर गाउँपालिकाको शेरामा प्रतिनिधिसभा २ का सभापति यतिराज सापकोटाको सभाध्यक्षता तथा केन्द्रीय प्रतिनिधि प्रतिमा गौतमको प्रमूख आतिथ्यतामा १०६ थान विरुवा रोपेर जागरण अभियानको शुभारम्भ गरिएको थियो भने प्रतिनिधिसभा २ को ख मा क्षेत्रीय सभापति लोकबहादुर मुक्तानको सभाध्यक्षतामा जागरण अभियान शुभारम्भ गरिएको थियो ।

मकवानपुरको चारैक्षेत्रमा छुट्टाछुट्टै गरिएको कार्यक्रमहरुमा कांग्रेस मकवानपुरका सभापति एवं ३ नम्बर प्रदेशका संसदीय दलका नेता ईन्द्रबहादुर बानियाँ, पार्टीका उपसभापति विष्णुप्रसाद लामिछाने, सचिव बुद्ध लामा, कोषाध्यक्ष गोपीलाल विश्वकर्मा, जिल्ला सदस्यहरु कृष्णप्रसाद दाहाल, राजिव सुवेदी, कृष्णभक्त श्रेष्ठ, खड्ग गोपाली, प्रमोद जोशी, प्रतिनिधिसभा १ का सभापति दामोदर खनाल, हेटौंडा उपमहानगर सभापति आनन्दराम पराजुली, थाहा नगर सभापति योगेन्द्रमान श्रेष्ठ, महासमिति सदस्य दीनेश उपाध्याय, प्रतिनिधिसभा २ को ख का क्षेत्रीय सभापति नुरोज पौडेल लगायतकाले मन्तव्य राखेका थिए ।

यसमा तपाइको मत

Your email address will not be published. Required fields are marked *


*