निर्माण व्यवसायी संघमा कँडेल निर्वाचित

समाचार

गृहपृष्ठ
समाचार

निर्माण व्यवसायी संघमा कँडेल निर्वाचित

सिधाखबर सोमबार, फागुन १, २०७९

हेटौंडा \ निर्माण व्यवसायी संघ मकवानपुरको अध्यक्षमा बालगोपाल कँडेल निर्वाचित भएका छन् । आइतबार भएको निर्वाचन र साँझ सम्पन्न मतगणनाअनुसार २१६ मतसहित कँडेल निर्वाचित भएका हुन् । अध्यक्षका अर्का आकांक्षी श्यामसुन्दर ढकालले १७० मत प्राप्त गरेका थिए ।

संघको द्धितीय उपाध्यक्षमा भवनाथ अधिकारी दुई २०८ मतसहित निर्वाचित हुँदा १६१ मतसहित बुद्धिराम डिम्डुङ पराजित भएका छन् । तृतीय उपाध्यक्षमा भीमसेन श्रेष्ठ २२१ मतसहित निर्वाचित हुँदा भोजबहादुर बुढाथोकी १४१ मतसहित पराजित भए । त्यस्तै, संघको उपमहासचिव (नीतिगत) मा दिनेश पनेरु १९० मतसहित विजयी भए भने नवराज पाठक १७२ मतसहित पराजित भएका छन् ।

उपमहासचिव (आन्तरिक) मा सुरज बर्तौला १८५ मतसहित विजयी हुँदा निर्मल देवकोटा १८० मतसहित पराजित भए । सहकोषाध्यक्षमा प्रकाश लामा २०१ मतसहित विजयी हुँदा हरेराम पुडासैनी १६७ मतसहित पराजित भए । पदाधिकारीतर्फ प्रथम उपाध्यक्षमा सागर कटुवाल, महासचिवमा राजेन्द्रप्रसाद चौलागाई र कोषाध्यक्षमा अनल श्रेष्ठ सर्वसम्मत निर्वाचित भएका छन् ।

संघको कार्यसमिति सदस्यमा चेतबहादुर थापा मगर (२४१), नवीन जोशी (२३०), ईन्द्रप्रसाद रिजाल (२२४), सविन भट्टराई क्षेत्री (२२०), अच्युत सुवेदी (२०८ ), उमा कुमारी पौडेल (२०३), सूर्यबहादुर रोक्का (२०१) र लक्ष्मण सापकोटा (१९३) मत ल्याई निर्वाचित भएका छन् ।

प्रकाशित मिति: सोमबार, फागुन १, २०७९ ११:५५

प्रतिक्रिया दिनुहोस्