लुटपाट भएको घटनाप्रति मउवा संघद्धारा दुःख व्यक्त

समाचार

गृहपृष्ठ
समाचार

लुटपाट भएको घटनाप्रति मउवा संघद्धारा दुःख व्यक्त

सिधाखबर शुक्रबार, फागुन ५, २०७९

हेटौंडा \ फागुन १ गते काठमाडौंको ल्होेत्से मलमा रहेका पसलहरुबाट मोवाईल तथा इलेक्ट्रोनिक सामानहरु लुटपाट भएको हुनाले मकवानपुर उद्योग वाणिज्य संघले उक्त घटना प्रति दुःख व्यक्त गरेको छ । शुक्रबार संघका कार्यबहाक अध्यक्ष अनिल अग्रवालले विज्ञप्ती जारी गर्दै घटनाप्रति दुःख व्यक्त गरेका हुन् ।

संघले यातायात मजदुरहरुले गरेको आन्दोलनको मौकाछोपी उक्त कार्यगर्नेलाई कडाभन्दा कडा कारवाही गर्न आग्रह गरिएको छ । लुटपाटबाट क्षति व्यहोरेका व्यवसायीहरुलाई राज्यले उचित क्षतिपूर्ति दिई पुनस्र्थापित गराउन र निष्पक्ष छानविन गरी सरकारसँग कारवाहीको माग रहेको विज्ञप्तीमा उल्लेख रहेको छ ।

राजधानी जस्तो स्थानमा यस्तो अप्रिय घटना घट्नु सुरक्षा व्यवस्था कमजोरी रहेको देखिन्छ । यस्ता घटना हुन नदिन सुरक्षा व्यवस्था बलियो बनाउन सम्बन्धित निकायलाई आग्रह समेत गरिएको छ ।

May be an image of text

प्रकाशित मिति: शुक्रबार, फागुन ५, २०७९ १७:३८

प्रतिक्रिया दिनुहोस्