बकैयामा विद्यालयको नवनिर्मित भवन उद्दघाटन तथा हस्तान्तरण

समाचार

गृहपृष्ठ
समाचार

बकैयामा विद्यालयको नवनिर्मित भवन उद्दघाटन तथा हस्तान्तरण

सिधाखबर आइतबार, वैशाख १०, २०८०

बकैया \ मकवानपुरको बकैया गाउँपालिका वडा नम्बर १२ धेत्रेदमारमा चाईल्ड रेस्क्यु नेपालको आर्थिक सहयोगमा इस्थर बेन्जामिन स्मृति संस्थाको व्यवस्थापनमा निर्माण गरिएको काला भैरव प्राथमिक विद्यालको नवनिर्मित २ कोठे विद्यालय भवन, बालमैत्रीको खानेपानीको धारा तथा शौचालय एक कार्यक्रमकाबीच चाईल्ड रेस्क्यु नेपालकी राष्ट्रिय निर्देशक जमुना श्रेष्ठ र बकैया गाउँपालिकाका अध्यक्ष धर्मराज लामिछानेले संयुक्त रुपमा उद्घाटन गरि समुदायलाई हस्तान्तरण गरिएको छ ।

विद्यालय व्यवस्थापन समितिका अध्यक्ष विजय घिसिङको सभाध्यक्षतामा भएको कार्यक्रममा बकैया गाउँपालिकाका अध्यक्ष धर्मराज लामिछानेको प्रमुख आथित्यता, चाईल्ड रेस्क्यु नेपालकी राष्ट्रिय निर्देशक जमुना श्रेष्ठको विशेष आथित्यता रहेको थियो ।

कार्यक्रममा बकैया गाउँपालिका वडा नम्बर ११ का वडा अध्यक्ष एवम बकैया गाउँपालिका शिक्षा विकाश साखा संयोजक गोपाल बहादुर न्यासुर , वडा नम्बर १२ वडा अध्यक्ष ज्ञानेन्द्र बजगाईं, इस्थर बेन्जामिन स्मृति संस्थाका जिल्ला कार्यक्रम व्यवस्थापक बुद्धवीर लामा, अनुगमन तथा मूल्यांकन प्रमुख सानुकान्छा घलान सोहि संस्थाका सल्लाहकार जगदिश भट्टराई विद्यालयका प्रधानाध्यापक चेत बहादुर घले, स्थानीय समाजसेवी, अभिभावक, संचारकर्मी लगाएतको उपस्थिति रहेको थियो ।

No description available.

संस्थाले निर्माण गरेकोले अब स्थानीय सरकारले विद्यालयको घेराबारा गर्न आवश्यक बजेट व्यवस्था गर्न अनुरोध विद्यालयले गरेको छ । शैक्षिक सत्र बाट हरेक विद्यालयमा कक्षा १ बाट अंग्रेजी माध्याम बाट पठनपाठन सुरु गर्न लागिएको समेत विद्यालय स्रोतले जनाएको छ । चाईल्ड रेस्क्यु नेपालकी राष्ट्रिय निर्देशक जमुना श्रेष्ठले विद्यालयमा बाल विकाश कक्षाको लागि तत्काल सहयोग गर्ने प्रतिवद्धता व्यक्त समेत गरेकी छिन् ।

प्रकाशित मिति: आइतबार, वैशाख १०, २०८० १३:५६

प्रतिक्रिया दिनुहोस्