मकवानपुरमा वडाध्यक्षसहित ३ जना पक्राउ, २ सय किलो गाँजा बरामद

समाचार

गृहपृष्ठ
समाचार

अपराध मकवानपुरमा वडाध्यक्षसहित ३ जना पक्राउ, २ सय किलो गाँजा बरामद

सिधाखबर सोमबार, वैशाख १८, २०८०

थाहा \ मकवानपुरको थाहा नगरपालिका-७ का वडाध्यक्ष शिवराज थिङसहित तीन जनालाई प्रहरीले पक्राउ गरेको छ ।

वडाध्यक्ष थिङसहित तीन जनाको साथमा दुई सय दुई किलो गाँजासमेत फेला पारि घरबाटै पक्राउ गरिएको जिल्ला प्रहरी कार्यालय मकवानपुरका प्रहरी नायब उपरीक्षक (डीएसपी) टेकबहादुर कार्कीले बताउनुभयो । वडाअध्यक्ष थिङसहित भीमलाल थिङ र इन्द्रबहादुर थिङलाई पक्राउ गरिएको प्रहरीले जनाएको छ ।

आज साेमवार लागुऔषध नियन्त्रण ब्युराे कोटेश्वर काठमाण्डौबाट खटिएको प्रहरी टोली र जिल्ला प्रहरी कार्यालयबाट प्रहरी नायब निरीक्षक उमेशप्रसाद कोइरीको नेतृत्वमा खटिगएको संयुक्त टोलीले गाँजा बरामद गरेको हो ।

पक्राउ परेका तीनै जनालाई कानुनी कारबाहीका लागि पालुङ इलाका प्रहरी कार्यालयमा राखिएकाे छ ।

प्रकाशित मिति: सोमबार, वैशाख १८, २०८० १५:००

प्रतिक्रिया दिनुहोस्