थापाले गरिन् हेटौंडा लेडी जेसीजको भिजिट

मकवानपुर

गृहपृष्ठ
मकवानपुर

थापाले गरिन् हेटौंडा लेडी जेसीजको भिजिट

सिधाखबर बुधबार, जेठ ३, २०८०

हेटौंडा \ नेपाल जेसीजका वर्ष २०२३ का राष्ट्रिय कार्यकारिणी उपाध्यक्ष रजनी थापाले क्षेत्र ख मा पर्ने हेटौंडा लेडी जेसीजको अवलोकन भ्रमण गरेकी छिन् । मंगलबार हेटौंडा आइपुगेकी थापाले आफ्नो क्षेत्र ख अन्तरगत पर्ने हेटौंडा लेडी जेसीजको भिजिट गरेकी हुन् ।

हेटौंडा लेडी जेसीज वर्ष २०२३ का अध्यक्ष डिलमाया घर्तीले शाखाको बारेमा जानकारी दिनुका साथै हेटौंडामा स्वागत समेत गरेकी थिइन् । पदाधिकारीहरुको उपस्थितीमा थापालाई शाखा बारे जानकारी गराइएको अध्यक्ष घर्तीले बताइन् ।

हेटौंडा लेडी जेसीजको भिजिट गर्दै राष्ट्रिय कार्यकारिणी उपाध्यक्ष थापाले तालिम तथा अन्य कार्यक्रमहरुमा आफुले सक्दो सहयोग गर्ने प्रतिवद्धता जाहेर गरेकी थिइन् । लेडी जेसीजले विभिन्न सामाजिक कार्य गर्नुका साथै नेतृत्व तथा व्यक्तित्व विकास खालका समेत कार्यक्रम गर्दै आइरहेको छ ।

प्रकाशित मिति: बुधबार, जेठ ३, २०८० ०६:४१

प्रतिक्रिया दिनुहोस्