आजदेखी नीरफूल सिनेमाघरमा

चलचित्र/मनोरञ्जन

गृहपृष्ठ
चलचित्र/मनोरञ्जन

चलचित्र आजदेखी नीरफूल सिनेमाघरमा

सिधाखबर शुक्रबार, जेठ २६, २०८०

हेटौंडा \ नेपाली चलचित्र नीरफूल आज शुक्रबारबाट सिनेमाघरमा प्रदर्शन सुरु गरेको छ । बुधबार प्रिमियर गरिएको चलचित्र नीरफूललाई फूलमान बल निर्देशन गरेका छन् । धादिङ जिल्लाको विकट मानिने उत्तरी क्षेत्रको रुवीभ्यालीमा छायांकन गरिएको चलचित्र हो ।

२०७२ सालमा गएको विनाशकारी महाभूकम्पले धादिङको रुबीभ्यालीको एक परिवारमा ल्याएको पीडा र संघर्षको कथा चलचित्रमा प्रस्तुत गरिएको निर्देशक बलले बताएका छन् । चलचित्रमा अभिनेता दयाहाङ राई, बुद्धि तामाङ, जिग्मे छ्योंकी, पुष्कर गुरुङ, राजन खतिवडा, सरोज अर्याल, सरिता गिरी, लक्ष्मी बर्देवा, लुनिभा तुलाधर लगायतको समेत अभिनय रहेको छ ।

निर्देशक बलको लेखनमा तयार भएको चलचित्र रुबीभ्यालीसहित रसुवाको स्याफ्रुबेंसी र काठमाडौंको विभिन्न ठाउँहरुमा छायांकन गरिएको छ । चलचित्रमा अभिनेत्री रेखा थापा विशेष भूमिकामा छिन् । सचिन घिमिरे एसोसिएट निर्देशक रहेको चलचित्रलाई प्रमोद कार्कीले खिचेका हुन् भने निमेष श्रेष्ठको सम्पादन, अर्जुन पोखरेल र चन्द्रकुमार दोङको संगीत रहेको छ ।

नेपाल–म्यानमार फ्रेन्डसपि काउन्सिलसँगको सहकार्यमा सेलो प्रोडक्सनले चलचित्रको निर्माण गरेको हो । देशभर प्रदर्शनमा आएको नीरफुल हेटौंडाको एनएस सिनेमा घरमा पनि प्रदर्शन हुनेछ । नीरफूल सँगै हलिउड चलचित्र ट्रान्सफर्मर पनि प्रदर्शन भइरहेको हल स्रोतले जनाएको छ ।

प्रकाशित मिति: शुक्रबार, जेठ २६, २०८० ०८:०९

प्रतिक्रिया दिनुहोस्