४७ किलोग्राम गाँजा सहित ६ जना पक्राउ

समाचार

गृहपृष्ठ
समाचार

४७ किलोग्राम गाँजा सहित ६ जना पक्राउ

सिधाखबर मंगलबार, असार १९, २०८०

हेटौंडा / जिल्ला प्रहरी कार्यलय मकवानपुरले लागुऔषध गाँजा सहित ६ जनालाई पक्राउ गरेको छ । हेटौंडा–१५ रातोमाटे चेक पोष्टबाट मंगलबार बिहान पूर्वपश्चिम सडकखण्ड अन्तर्गत चितवनबाट बीरगंजतर्फ जाँदै गरेको बागमती प्रदेश–०१–०२५ च ३३८४ नम्बरको कारलाई चेकजाचका क्रममा ४७ किलोग्राम गाँजा सहित ६ जनालाई पक्राउ गरेको मकवानपुर प्रहरीले जनाएको छ ।

ईलाका प्रहरी कार्यालय, पशुपतिनगर र प्रहरी चौकी, रातोमाटेबाट खटिएको चेकिङ टोलिले ४७ किलोग्राम गाँजा सहित वीरगंज महानगरपालिका–१४ बस्ने ४२ वर्षीय कन्हैयालाल महतो, वीरगंज–१८ बस्ने २० बर्षीया दुसमेना खातुन, सोही स्थान बस्ने २१ वर्षीया पुजा कुमारी मण्डल र पर्सा, पटेर्वा सुगौली गाउँपालिका–४ बस्ने २५ वर्षीय बिनय चौधरी,वीरगंज–४ बस्ने २६ वर्षीय बिनोद मण्डल र सोही स्थान बस्ने ३९ वर्षीय बिनोद पासवानलाई पक्राउ गरेको प्रहरीले जनाएको छ । प्रहरीले प्रदेश २–०३–००७ प ४७५४ नम्बरको मोटरसाइकलमा समेत बरामद गरेको छ । पक्राउ परेका मण्डल र पासवान मोटरसाइकलमा सवार थिए । पक्राउ परेका माथि आवश्यक अनुसन्धान भइरहेको मकवानपुर प्रहरीले जनाएको छ ।

No photo description available.

प्रकाशित मिति: मंगलबार, असार १९, २०८० २०:१६

#लागुऔषध गाँजा

प्रतिक्रिया दिनुहोस्