मनहरीका सामुदायिक विद्यालयका शिक्षकहलाई मासिक रुपमा तलब दिने

समाचार

गृहपृष्ठ
समाचार

शिक्षा मनहरीका सामुदायिक विद्यालयका शिक्षकहलाई मासिक रुपमा तलब दिने

सिधाखबर शुक्रबार, साउन ५, २०८०

मनहरी \ मकवानपुरको मनहरी गाउँपालिकाले सामुदायिक विद्यालयका शिक्षकहलाई मासिक रुपमा तलब उपलब्ध गराउने भएको छ । गाउँपालिकाले चालु आर्थिक वर्ष २०८०/८१ देखि नै सामुदायिक विद्यालयका शिक्षकहरुलाई मासिक रुपमा तलब उपलब्ध गराउने भएको हो ।

यसअघि त्रैमासिक रुपमा संघीय सरकारको ससर्त अनुदानबाट तलब भत्ता खाने शिक्षकहरु (दरबन्दी राहत, अनुदान कोटाका शिक्षक, बालविकास शिक्षक र विद्यालय कर्मचारी ) लाई गाउँपालिकाले मासीक रुपमै तलब भत्ता उपलब्ध गराउने नीति ल्याएको शिक्षा शाखा प्रमुख हरिचन्द्र सापकोटाले जानकारी दिनुभयो ।

गाउँपालिकाले ठुलो लगानी गरेको शिक्षा क्षेत्रमा शिक्षकहरुको मनोवल वृद्धि र प्रोत्साहनका लागि पनि यो कदम अघि सारिएको गाउँपालिका अध्यक्ष रन्जन कालाखेतीले जानकारी दिनुभयो । 'जबसम्म शिक्षकको आवश्यकता परिपुर्ति र उनीहरुको श्रमको उचित मुल्यांकन हुँदैन, तबसम्म शिक्षामा परिवर्तन सम्भव छैन: शिक्षा समितिका संयोजक समेत रहेका अध्यक्ष कालाखेतीले भन्नुभयो, त्यसैले यस वर्षदेखि मासिक रुपमा उहाँहरुको बैंक खातामै जानेगरी तलब भत्ता दिनेछौँ ।

No description available.

प्रकाशित मिति: शुक्रबार, साउन ५, २०८० १६:२१

प्रतिक्रिया दिनुहोस्