पहिरो खस्दा हेटौँडा–काठमाडौं जोड्ने सडक अवरुद्ध

समाचार

गृहपृष्ठ
समाचार

पहिरो खस्दा हेटौँडा–काठमाडौं जोड्ने सडक अवरुद्ध

सिधाखबर मंगलबार, साउन २३, २०८०

हेटौँडा / पहिरो खस्दा हेटौँडालाई काठमाडौंसँग जोड्ने दुईवटा सडकखण्ड अवरुद्ध भएका छन् । पहिरोका कारण हेटौँडा–काठमाडौं जोड्ने कान्ति लोकपथ र हेटौडा–कुलेखानी–काठमाडौं सडक अवरुद्ध भएको मकवानपुर प्रहरी प्रवक्ता एवं डिएसपी टेकबहादुर कार्कीले जानकारी दिनु भयो ।

सोमबार साझ देखी परेको अविरल वर्षा सँगै खसेको पहिरोका कारण कान्तिलोकपथ अन्तर्गत मकवानपुरको बकैया गाँउपालिका वडा नम्बर ११ स्थित लाम्रङ भन्ने ठाँउमा पहिरो खसेको कारण बाटो अवरुद्ध बनेको हो ।

सडक माथिबाट चट्टान सहितको पहिरो खसेको कारण सडक खण्ड अवरुद्ध बनेको ईलाका प्रहरी कार्यालय ठिङ्गनका प्रहरी निरीक्षक बलराम श्रेष्ठले बताउनु भयो । यस्तै सोमवार रातिदेखी परेको पानीका कारण पहिरो खस्दा भीमफेदी-भैसे सडकखण्ड पनि अवरुद्ध बनेको प्रहरीले जनाएको छ ।

भीमफेदी २ ज्यालटारमा बर्षाको कारण पहिरो खसी बाटो अवरोध भएको मकवानपुर प्रहरीले जनाएको छ । पानी परिरहेकोले पहिरो हटाउन समस्या भएको यद्पी हटाउन समन्वय भइरहेको जनाइएको छ ।

प्रकाशित मिति: मंगलबार, साउन २३, २०८० ०७:३६

#कान्ति लोकपथ

प्रतिक्रिया दिनुहोस्