प्राध्यापक नियुक्ति विषयमा विद्यार्थी संगठनले बुझाए ज्ञापनपत्र

समाचार

गृहपृष्ठ
समाचार

प्राध्यापक नियुक्ति विषयमा विद्यार्थी संगठनले बुझाए ज्ञापनपत्र

सिधाखबर बिहीबार, साउन ३२, २०८०

हेटौंडा \ देशमै ख्यातीप्राप्त रहेको मकवानपुर बहुमुखी क्याम्पसमा प्राध्यापक नियुक्तिको विषयमा संयुक्त विद्यार्थी संगठनले क्याम्पस प्रमुखलाई ज्ञापनपत्र बुझाएका छन् । विहीबार क्याम्पस प्रमुख डा. शंकरप्रसाद उपाध्यायलाई पत्र बुझाएका हुन् ।

क्याम्पसको नेपाली विषयको प्राध्यापक रामचन्द्र सुवेदीको सेवानिवृत पश्चात क्याम्पसलाई नेपाली विषयको प्राध्यापक आवश्यक परेकोले एक जना प्राध्यापकको विज्ञापन आह्वान गरेको तर अवैधानिक रुपमा तीन जना प्राध्यापक नियुक्त गरिएकोले विद्यार्थी संगठनहरुले विरोध गरेको नेवि संघ क्याम्पस अध्यक्ष बुद्ध बहादुर ब्रम्हले बताए ।

क्याम्पसको विधि विधान भन्दा बाहिर रहेर क्याम्पस प्रशासन र व्यवस्थापन समितिले नियुक्त गरिएको प्राध्यापकहरुलाई तत्काल हटाउन संयुक्त विद्यार्थी संगठनको माग रहेको अध्यक्ष ब्रम्हले बताए ।

संयुक्त विज्ञप्ती जारी गर्दै अखिल क्रान्तिकारीका अध्यक्ष छोइछाङ लामा, नेविसंघका अध्यक्ष ब्रम्ह, अनेरास्ववियुका अध्यक्ष दीपेश कार्की, विप्लव निकट अखिल क्रान्तिकारीका अध्यक्ष सुवास सि, राप्रविसका अध्यक्ष समृत खतिवडाले विज्ञप्तीमा हस्ताक्षर गरेका छन् ।

यसै विषयमा स्वतन्त्र विद्यार्थी युनियन मकवानपुर क्याम्पसले आपत्ति जनाएको छ । विधि र विधानमा रहेर नियुक्त गर्न माग गर्दै स्ववियु मकवानपुर क्याम्पसले बुधबार क्याम्पस प्रमुख उपाध्यायलाई ज्ञापनपत्र बुझाएको छ । एक जना प्राध्यापक आवशयकता भन्दै विज्ञापन गर्ने र तीन जना नियुक्त गरेकोप्रति हाम्रो आपत्ति हो, तत्काल तीनै जना नहटाए हामीले विरोधका विभिन्न कार्यक्रमहरु गर्ने स्ववियु सभापति छोइछाङ लामा स्याङ्तानले बताए ।

प्रकाशित मिति: बिहीबार, साउन ३२, २०८० ०९:०४

प्रतिक्रिया दिनुहोस्