ज्ञानोदयमा योग तथा जीवनउपयोगी शिक्षाका बारेमा प्रशिक्षण

मकवानपुर

गृहपृष्ठ
मकवानपुर

ज्ञानोदयमा योग तथा जीवनउपयोगी शिक्षाका बारेमा प्रशिक्षण

सिधाखबर बुधबार, भदौ १३, २०८०

हेटौंडा \ हेटौंडा उपमहानगरपालिका वडा नम्बर २ संगम चोकमा रहेको ज्ञानोदय बाल बाटिका एकेडेमीमा योग शिक्षा तथा जीवनउपयोगी शिक्षाका बारेमा प्रशिक्षण कार्यक्रम सम्पन्न भएको छ । पतंजलि योग समिति मकवानपुरको समन्वयमा विद्यालय प्राङ्गणमा भएको कार्यक्रममा पतंजलि योग समिति नेपाल युवा समितिका केन्द्रीय संयोजक गुरुज्यु लोकनाथ खनालले प्रशिक्षण दिएका थिए ।

विद्यालयका संस्थापक प्राचार्य विन्दु गोर्खालीको अध्यक्षतामा भएको प्रशिक्षण कार्यक्रममा विद्यालयको कक्षा ९ र १० मा अध्ययन गर्ने छात्रछात्राहरुको सहभागिता रहेकोे थियोे । कार्यक्रममा योग गुरु खनालले विद्यार्थी जिवनमा योगले पुर्‍याउने फाईदा, विद्यार्थीहरुले खानपिनमा दिनुपर्ने ध्यान लागएतका बारेमा जानकारी गराएका थिए ।

विद्यालयका प्राचार्य गोर्खालीले यसखाले प्रशिक्षणमा विद्यार्थीहरुलाई महत्वपूर्ण सहयोग पुग्ने बिश्वास व्यक्त गरे । कार्यक्रममा पतंजलि योग समिति मकवानपुरका अध्यक्ष रामकृष्ण थापा, बिद्यालयका संचालक संजय सुबेदी, अतिरिक्त क्रियाकलाप संयोजक प्रितेश कलावर, कपिल भन्डारी, भिम प्रधान लगाएको उपस्थिति रहेकोे थियो ।

प्रकाशित मिति: बुधबार, भदौ १३, २०८० १६:१८

प्रतिक्रिया दिनुहोस्