प्रदेश सरकार संघीयतालाई कार्यान्वयन गर्दै : मन्त्री श्रेष्ठ

समाचार

गृहपृष्ठ
समाचार

मन्त्री श्रेष्ठ प्रदेश सरकार संघीयतालाई कार्यान्वयन गर्दै : मन्त्री श्रेष्ठ

सिधाखबर बुधबार, कात्तिक १, २०८०

हेटौंडा \ बागमती प्रदेश सरकारका प्रवक्ता एंव आन्तरिक मामिला तथा कानुन मन्त्री गंगानारायण श्रेष्ठले संविधानको भावना र मर्म अनुरुप प्रदेश सरकारले काम गरिरहेको बताउनु भएको छ । बुधबार हेटौंडामा मन्त्री श्रेष्ठले आयोजना गर्नुभएको शुभकामना आदानप्रदान तथा पत्रकार भेटघाट कार्यक्रममा शुभकामना व्यक्त गर्नुहुँदै प्रदेश सरकार संघीयतालाई कार्यान्वयन गर्दै प्रदेश निजामती ऐन पारिस गर्दै कर्मचारी व्यवस्थापन र परिचालन गरिएको बताउनुभयो ।
हामीले ऐन कार्यान्वयन गरेर २ जना कर्मचारीलाई ११ औं तहमा बढुवा गरेका छौं,मन्त्री श्रेष्ठले भन्नुभयो । उहाँले प्रदेशमा तामाङ र नेपाल भाषालाई सरकारी कामकाजमा प्रयोग गर्न संसदबाटै ऐन पास गरी कार्यान्वयनमा ल्याइएको समेत बताउनुभयो । गठबन्धन सरकारले गरेको प्रतिवद्ध अनुरुप भदौ मसान्तसम्म प्रहरी समायोजन कार्य थियो तर अब तिहार अघि उक्त प्रतिवद्ध अनुरुप काम हुने विश्वास समेत लिइएको मन्त्री श्रेष्ठले बताउनुभयो ।

प्रदेश सरकारद्धारा निर्माण गरिएका ऐन कानुनलाई कार्यान्वयन गरी परिणाममुखी बनाउनेमा सरकार प्रतिवद्ध रुपमा रहेको बताउनुभयो । उहाँले प्रदेशबासीलाई शुभकामना व्यक्त गर्दै पर्वहरुलाई समान रुपमा सबैले मनाउन आग्रह समेत गर्नुभयो । कार्यक्रममा आन्तरिक मामिला तथा कानुन मन्त्रालयका सचिव ध्रुव गैडा, नेपाल पत्रकार महासंघ मकवानपुर शाखा अध्यक्ष मणिराज गौतम लगायतको सहभागिता रहेको थियो ।

प्रकाशित मिति: बुधबार, कात्तिक १, २०८० १३:२९

प्रतिक्रिया दिनुहोस्