कोइला खरिद गर्न नसक्दा हेटौँडा सिमेन्टको उत्पादन बन्द

समाचार

गृहपृष्ठ
समाचार

सिमेन्ट कोइला खरिद गर्न नसक्दा हेटौँडा सिमेन्टको उत्पादन बन्द

सिधाखबर सोमबार, कात्तिक १३, २०८०

हेटौडा / कोइला खरिद गर्न नसक्दा हेटौँडा सिमेन्ट उद्योगको उत्पादन फेरी बन्द भएको छ । उद्योगमा मासिक तीन हजार मेक्ट्रिक कोइला आवश्यक भए पनि आर्थिक अभावका कारण कोइला खरिद गर्न नसक्दा सिमेन्टको उत्पादन बन्द भएको हो ।

आर्थिक सङ्कटका कारण बाह्य मुलुकबाट कोइला खरिद गर्न नसकिएकाले सिमेन्ट उत्पादन बन्द गरिएको महाप्रबन्धक बसन्तराज पाण्डेले बताउनुभयो ।

विसं २०३३ मा हेटौँडाको लामसुरेमा स्थापित उद्योगले विसं २०४३ सालबाट व्यावसायिक रुपमा उत्पादन सुरुआत गरेको थियो । उद्योगमा करीब दुई सय कर्मचारी कार्यरत छन् । बारम्बर बन्दहुदै खुल्दै आईरहेको उधोगको नयाँ मेसिन जडान नगरेसम्म सधैँ उद्योग बन्द र खुल्ने क्रम चलिरहने पाण्डेले बताउनु भयो ।

आर्थिक सङ्कटबारे अध्ययन गरेर प्रतिवेदन सङ्घीय सरकारका उद्योग तथा आपूर्तिमन्त्री र सचिवलाई जानकारी गराइएको र केही आर्थिक अनुदान उपलब्ध भएमा उद्योगलाई पुनः सञ्चालनमा ल्याइने उहाँको भनाइ छ ।

प्रकाशित मिति: सोमबार, कात्तिक १३, २०८० १८:०३

#हेटौँडा सिमेन्ट

प्रतिक्रिया दिनुहोस्