मकवानपुर प्रहरीद्धारा पेस्तोल,गोलि सहित तिन जना पक्राउ

समाचार

गृहपृष्ठ
समाचार

मकवानपुर प्रहरी मकवानपुर प्रहरीद्धारा पेस्तोल,गोलि सहित तिन जना पक्राउ

सिधाखबर शनिबार, मंसिर २३, २०८०

हेटौडा / मकवानपुर प्रहरीले हेटौँडामा एक थान पेस्तोल र बिस राउण्ड गोलि सहित तिनजनालाई पक्राउ गरेको छ । प्रहरीले हेटौडा उपमहानगरपालिका वडा नम्बर १० स्थितबाट वडा नं.९ बस्ने बर्ष ३३ को निश्चल पौडेल,बर्ष ३५ को गणेश घले र बर्ष ३० को प्रितम क्षेत्रीलाई घटनामा प्रयोग भएको हतियार सहित पक्राउ गरि शनिबार सार्वजनिक गरेको हो । उनिहरुलाई शुक्रबार साँझ पक्राउ गरेको मकवानपुरका प्रहरी प्रमुख प्रहरी उपरीक्षक सीतारम रिजालले बताउनु भयो ।

पक्राउ परेकाको साथबाट एक थान सेमिअटोमेटिक पेस्तोल र बिस थान गोली बरामद भएको उहाँले बताउनु भयो । गएको सोमबार रातको समयमा हेटौडा ९ स्थित सुर्य प्रसाद पौडेलको घरमा गोली प्रहार भएको सुचना प्राप्त भएपछि प्रहरीले अनुसन्धान सुरु गरेको थियो । उनिहरुको साथबाट पेस्तोल,गोली सहित,हतियार सफा गर्ने रड,लागु औषध खैरो हेरोईन जस्तो देखिने धुलो पदार्थ दई ग्राम चारसय मिलिग्राम,लागु औषध तौल गर्ने डिजिटल तराजु दुई थान,मोटरसाईकल दुई थान बरामद भएको एसपी रिजालले बताउनु भयो । यस्तै घटनामा सम्लग्न मोबाईल पाँच थान,नगद पचास हजार रुपैयाँ,घटनामा प्रयोग भएको कपडा बरामद गरिएको उहाँले बताउनु भयो ।

प्रकाशित मिति: शनिबार, मंसिर २३, २०८० १७:०९

#मकवानपुर प्रहरी

प्रतिक्रिया दिनुहोस्