अझै पाएनन उपभोक्ता समितिले २ करोड ८३ लाख भुक्तानी

समाचार

गृहपृष्ठ
समाचार

अझै पाएनन उपभोक्ता समितिले २ करोड ८३ लाख भुक्तानी

सिधाखबर सोमबार, मंसिर २५, २०८०

हेटौंडा \ आर्थिक पारदर्शीता र सुशासनको भाषण गरेर नथाक्ने बागतमी प्रदेश सरकारले अघिल्लो आर्थिक वर्षमा सम्पन्न भएका योजनाहरुको भुक्तानी अझै गरेको छैन ।

बागमती प्रदेश सरकारबाट विनियोजित भएको र शहरी विकास तथा भवन कार्यालय अन्तरगत उपभोक्ता समिति मार्फत काम गरेका २१ वटा योजनाका करिव २ करोड ८३ लाखको भुक्तानी दिन बाकी रहेको कार्यालयले जनाएको छ ।

साहुसँग ऋण खोजेर काम गरे अहिले सम्म कार्यालयले भुक्तानी नदिदा सारै समस्या परेको छु । हेटौडा–६ चौघडामा रहेको विपि गणेशमान स्मृति शान्ति पार्कका सचिव भरत सापकोटाले गुनासो गरे । भदौ महिनामा रकम आउने आश्वासन कार्यालयले दिएको थियो तर मंसिरको अन्तिम सम्म पनि भुक्तानी दिएको छैन ।

हामीले भुक्तानीको लागि भौतिक मन्त्रालयमा लेखि पठाएका छौं तर अहिले सम्म जवाफ आएको छैन । कार्यालयका सूचना अधिकारी टेकनाथ काफलेले भने ।

उपभोक्ता समितिसँग योजनाको लागि सम्झौता गर्ने तर सम्झौताको अवधिभित्रै काम सम्पन्न भएका योजनाहरुको भुक्तानी नहुदा उपभोक्ताहरु सारै समस्याको परेका छन । समयमै सम्पन्न भएका योजानहरुको तत्काल भुक्तानी दिई उपभोक्ताहरुलाई परेको समस्या समाधान गर्नु पर्नेमा सरोकारवालाहरुले जोड दिएका छन ।

प्रकाशित मिति: सोमबार, मंसिर २५, २०८० १७:५३

प्रतिक्रिया दिनुहोस्