गणपति बाबा साकोसको साधरण सभा सम्पन्न,अध्यक्षमा मैनाली चयन

समाचार

गृहपृष्ठ
समाचार

गणपति बाबा साकोसको साधरण सभा सम्पन्न,अध्यक्षमा मैनाली चयन

सिधाखबर शनिबार, पुस ७, २०८०

हेटौँडा / हेटौँडामा रहेको गणपति बाबा बचत तथा ऋण सहकारी संस्था लि.को १२ औ बार्षिक साधरण सभा शनिबार सम्पन्न भएको छ । हेटौडा उपमहानगरपालिकाका मेयर मिना कुमारी लामाको प्रमुख आतिथ्यतामा सम्पन्न साधरणसभामा मेयर लामाले सहकारी मार्फत पनि धेरैले आयआर्जनमा सफल्ता हासिल गरेको बताउनु भयो । पछिल्लो समय सहकारीमा देखा परेको समस्याहरुलाई उपमहानगरपालिकाले पनि अबलोकन तथा अनुगमन गर्दै समस्या समाधान संगै सहकारीलाई सबल बनाउन लागीपरेको बताउनु भयो ।

साधरणसभाले कोषाध्यक्ष भिम प्रसाद तिमल्सिनाबाट प्रस्तुत आव २०७९/८० को र प्रस्तावित आर्थीक प्रतिबेदन-२०८० सर्बसम्मत रुपमा पारीत गरेको छ । यस्तै साधरणसभाले सचिब झलक प्रसाद गौतम,लेखा समिति संयोजक संन्तोष पराजुलीले पेश गर्नु भएको प्रतिबेदन,कार्यबहाक अध्यक्ष कमलराज मैनाली द्धारा प्रस्तु प्रतिबेदन पास गरेको छ ।

संस्थाका अध्यक्ष बिष्णु प्रसाद घिमिरेको अध्यक्षतामा भएको कार्यक्रममा अध्यक्ष घिमिरेले संस्था स्थापना देखी हाल सम्म भएका गत्तिबिधिहरु प्रस्तुत गर्दै सहकारीले हेटौडा उपमहानगरपालिका क्षेत्रभित्रका दश वटा वडामा कारोबार गरीरहेको र आगामी दिनमा सबैसवाहरुमा कारोबार गर्ने लक्ष्य लिएको बताउनु भयो । आफनो ब्यक्तीगत ब्यस्तताका कारण संस्थामा समय दिन नसकेको भन्दै उहाँले अध्यक्ष पदबाट राजिनामा समेत घोषणा गर्नु भएको छ ।

संस्थामा महिला पुरुष गरी २ हजार २ सय १४ जना सेयर सदस्यहरु रहेका छन् । कार्यक्रम्मा हेटौडा ६ का वडा अध्यक्ष बिष्णु बहादुर दाहाल,जनप्रतिनिधिहरु,बिभिन्न सहकारीका प्रतिनिधिहरु लगाएतको सहभागीता रहेको थियो । साधरण सभाले संस्थाका अध्यक्ष घिमिरेले ब्यक्तीगत समस्या देखाएर दिनु भएको राजिनामा स्वीकृत गर्दै उपाध्यक्ष कमलराज मैनालीलाई अध्यक्षमा सर्बसम्मत चयन गरेको छ

प्रकाशित मिति: शनिबार, पुस ७, २०८० १६:३८

प्रतिक्रिया दिनुहोस्