फागुन ४ गते सोनाम ल्होछार कार्यक्रम हुँदै

समाचार

गृहपृष्ठ
समाचार

फागुन ४ गते सोनाम ल्होछार कार्यक्रम हुँदै

सिधाखबर मंगलबार, माघ १६, २०८०

हेटौंडा \ हेटौंडा उपमहानगरपालिका वडा नं १३ स्थित गुम्बाडाडामा फागुन ४ गते छैठौं सोनाम ल्होछार कार्यक्रम हुने भएको छ। प्रत्येक वर्ष आयोजना गर्दै आइरहेको ल्होछार मूल समारोह समितिले मंगलबार पत्रकार सम्मेलन गरी कार्यक्रमबारे जानकारी दिएको हो।

कार्यक्रममा स्थानीयदेखि राष्ट्रियस्तरका कलाकारहरुको प्रस्तुति रहनुका साथै तामाङ संस्कृति झल्काउने नृत्य तथा गीतहरू प्रस्तुत हुने आयोजक समितिका अध्यक्ष सोम लाल थिङले बताए । कार्यक्रम दिउँसो ३ बजेदेखि सुरु हुने जनाइएको छ ।

कार्यक्रमस्थलमा ४० देखि ५० वटा स्टल राखिने र विभिन्न परिकारको प्रदर्शनी हुनेछ। आयोजकले कार्यक्रमका लागि करिब ६ देखि ७ लाख खर्च हुने अनुमान रहेको अध्यक्ष थिङले बताए । कार्उक्रममा करिब २ हजार दर्शकहरूको उपस्थिति हुने अपेक्षा आयोजकको रहेको छ ।

प्रकाशित मिति: मंगलबार, माघ १६, २०८० १८:३८

प्रतिक्रिया दिनुहोस्