चिकित्सकहरु योजनावद्ध रुपमा अघि बढ्नुस् : स्वास्थ्य मन्त्री श्रेष्ठ

समाचार

गृहपृष्ठ
समाचार

स्वास्थ्य चिकित्सकहरु योजनावद्ध रुपमा अघि बढ्नुस् : स्वास्थ्य मन्त्री श्रेष्ठ

सिधाखबर बिहीबार, वैशाख ६, २०८१

हेटौंडा \ बागमती प्रदेशको स्वास्थ्यमन्त्री रामेश्वर श्रेष्ठले प्रदेश भित्रका विभिन्न अस्पतालका सम्बन्धित शाखाका प्रमुख तथा चिकित्सकहरुलाई ठोस योजना बनाई अगाडी बढ्न निर्देशन दिनुभएको छ । बिहिवार हेटौँडामा बागमती प्रदेश स्वास्थ्य निर्देशनालयको आयोजनामा ‘चालु आर्थिक वर्ष २०८०/८१ को तेश्रो त्रैमासिक अवधि सम्मको समीक्षा तथा आगामी आर्थिक वर्ष २०८१/८२ को तर्जुमा गोष्ठी कार्यक्रमको उद्घ्घाटन गर्दै मन्त्री श्रेष्ठले स्वास्थ्यका लागि चाहिने बजेट बढाएर लैजाने र आवश्यक कार्यक्रमहरु मात्र सञ्चालन गर्नुको साथै बजेटले नभ्याउने कार्यक्रमलाई कम गरेर अगाडि बढ्ने बताउनुभयो ।

अस्पतालमा आएका बिरामीहरुलाई उचित उपचार सेवा दिन मेडिकल सुपरिटेन्टहरुलाई आग्रह गर्नुहुँदै ‘कामको समयमा कुनै समस्या आए सिधै आफुलाई सम्र्पक गर्न आग्रह गर्नुभएको छ । अस्पतालमा विरामीले भोलिपल्ट रिपोर्ट लिन आउनुपर्ने समयको अन्त्य गर्दै सोही दिनै नै रिपोर्ट दिने वातावरण बनाउन मेडिकल सुपरिटेण्टहरुलाई अनुरोध गर्नुभएको थियो । उहाँले आगामी आर्थिक वर्षमा स्वास्थ्य मन्त्रालयमा नयाँ कार्यक्रमहरु समेत सञ्चालन गर्ने तयारी रहेको बताउँदै अस्पतालमा ओपिडी टिकटमा एकरुपता नभएको भन्दै एकरुपता बनाउन सबै अस्पताललाई आग्रह गर्नुभयो ।

स्वास्थ्य निर्देशनालयका निर्देशक दीपक तिवारीको अध्यक्षतामा भएको कार्यक्रममा आर्थिक तथा योजना मन्त्री जगन्नाथ थपलिया, मदन भण्डारी स्वास्थ्य विज्ञान प्रतिष्ठानका उपकुुलपति प्रा. डा. विश्वराज जोशी, प्रदेशका केन्द्रीय स्वास्थ्य निकायका निर्देशकहरु, जनस्वास्थ्य कार्यालयका प्रमुख, प्रदेश अस्पतालका मेडिकल सुपरिटेण्टहरु र जिल्ला आयुर्वेद स्वास्थ्य केन्द्रका प्रमुखहरुको उपस्थिती रहेको थियो ।

प्रकाशित मिति: बिहीबार, वैशाख ६, २०८१ १९:५९

प्रतिक्रिया दिनुहोस्