बसको ठक्करबाट बकैयामा एकजना घाइते

समाचार

गृहपृष्ठ
समाचार

बसको ठक्करबाट बकैयामा एकजना घाइते

सिधाखबर शनिबार, वैशाख १५, २०८१

हेटौंडा \ पूर्वी मकवानपुरको धरान चतरा सडक अन्तरगत बकैया गाउँपालिका वडा नं. ५ तिनतलेमा बसले ठक्कर दिदा मोटरसाइकल चालक घाइते भएका छन । शुक्रवार दिउँसो ४ बजेर ४५ मिनेटको समयमा बसको ठक्करबाट बकैया गाउँपालिका वडा नं. ५ भडौरा बस्ने ३५ बर्षिया भिमसेन बजगाइँ घाइते भएका हुन । उनी बकैयाका नगर प्रहरीमा कार्यरत छन् ।

हेटौडाबाट फापरबारी जाँदै गरेको बा २ ख ६९४३ नम्बरको बसले फापरबारीबाट हेटौंडा आउँदै गरेको प्रदेश २–०३–०२१ प ६६१४ नम्बरको मोटरसाइकललाई ठक्कर दिदा चालक बजगाईँ घाइते भएका हुन । उनको टाउको र अनुहारमा चोट लागि उपचारको लागि चुरेहिल अस्पताल हेटौडामा पठाइएको जिल्ला प्रहरी कार्यालय मकवानपुरले जनाएको छ ।

ठक्कर दिने बस र बस चालक ललितपुर गाउँपालिका वडा न.७ सुबानी बस्ने २६ बर्षिया सोमलाल भोलनलाइ प्रहरीले नियन्त्रणमा लिएको छ ।

प्रकाशित मिति: शनिबार, वैशाख १५, २०८१ १९:४२

प्रतिक्रिया दिनुहोस्