पाठेघरको मुख तथा स्तनको क्यान्सरबारे अन्तरक्रिया

समाचार

गृहपृष्ठ
समाचार

स्वास्थ्य पाठेघरको मुख तथा स्तनको क्यान्सरबारे अन्तरक्रिया

सिधाखबर बिहीबार, असार १३, २०८१

हेटौँडा \ हेटौंडामा पाठेघरको मुखको तथा स्तन क्यान्सर सम्बन्धी अन्तरक्रिया कार्यक्रम भएको छ । स्वास्थ्य मन्त्रालय अन्तरगत राष्ट्रिय स्वास्थ्य शिक्षा सुचना तथा सञ्चार केन्द्र र सञ्जीवनी हेल्थ मिडियाको संयुक्त आयोजनामा कार्यक्रम भएको हो ।

कार्यक्रममा स्वास्थ्य मन्त्रालयका महाशाखा प्रमुख डा. खगेश्वर गेलालले प्रदेशमा पाठेघरको मुखको तथा स्तनको क्यान्सरको स्थितीबारे आफ्नो कार्यपत्र प्रस्तुत गरेका थिए । त्यस्तै स्वास्थ्य निर्देशनालयका सजना साखले यी दुई किसिमका क्यान्सर संक्रमणको संख्या नेपालमा बढ्दो क्रममा रहेको बताइन् । आफ्नो कार्यपत्र प्रस्तुत गर्दै क्यान्सर केहो, यसको जोखिम, न्यूनिकरणको प्रयास, उपचार, लक्षणबारे जानकारी दिएकी थिईन् ।

नेपालमा ३० देखी ५० वर्ष उमेर समूहका महिलाहरुमा क्यान्सरको संख्या बढी रहेको तथ्याङ्क रहेको उनले बताइन् । कार्यक्रममा निर्देशनालयका सतिश विष्ठले प्रदेशभित्र विभिन्न स्वास्थ्य कार्यालयमा यस सम्बन्धी अभियानहरु र सुचनाहरु प्रवाह गरिरहेको बताए ।

कार्यक्रममा स्वास्थ्य पत्रकार मञ्चका निवर्तमान अध्यक्ष एंव सञ्जीवनी हेल्थ मिडियाका सञ्चालक रामप्रसाद न्यौपानेले सञ्चारकर्मीहरुले स्वास्थ्य सम्बन्धी समाचारको रिर्पोटिङ गर्दा धेरै विषयमा ध्यान दिनुपर्ने बताए । कार्यक्रममा नेपाल पत्रकार महासंघ मकवानपुरका अध्यक्ष मणिराज गौतम, स्वास्थ्य पत्रकार मञ्चका अध्यक्ष सरोज ढुङ्गेलले आफ्नो भनाइ राखेका थिए ।

प्रकाशित मिति: बिहीबार, असार १३, २०८१ १५:२४

प्रतिक्रिया दिनुहोस्