मनहरीका ७४ प्राविधिकलाई तालिम

समाचार

गृहपृष्ठ
समाचार

मनहरीका ७४ प्राविधिकलाई तालिम

सिधाखबर बुधबार, पुस १०, २०८१

मनहरी \ लघु साना तथा मध्यम उद्यमीका लागि उर्जा प्रभावकारी डिजाइन सम्बन्धि हेटौंडामा ७४ जना प्राविधिकलाई तालिम दिइएको छ । हेटौंडा उपमहानगरपालिकासँगको साझेदारीका बिल्डिङ इनर्जि इफिसेन्सी (विन) परियोजनाले यहाँका दुई वटा पालिकामा रहेका भवन डिजाइन सम्बन्धी काम गरीरहेका प्राविधिकहरुलाई तालिम दिएको हो ।

हेटौंडा उपमहानगरपालिका र मनहरी गाउँपालिकामा रहेका काम गर्ने र सरकारी निकायमा सुचीकृत कल्सन्टेण्ठका भवन डिजाइन गर्ने प्राविधिकहरुलाई ३ दिने तालिम दिइएको हो । तालिममा कसरी भवनलाई जोखिम मुक्त बनाउँन सकिन्छ, कम लगानीमा व्यवस्थित भवन निर्माणका बारेमा प्राविधिक तथा वित्तीय स्थानहरुले कसरी घरको मुल्याङ्कन गर्छन भन्ने बारेमा ध्यान दिँदै तालिम प्रदान गरीएको विन हेटौंडाका प्रमुख अस्मिता श्रेष्ठले बताउनु भयो । तालिममा संगीता थापा, दिवस अधिकारी र अस्मिताले प्रशिक्षण दिनु भएको छ ।

तालिममा सहभागिलाई हेटौंडा उपमहानगरपालिकाका नगर प्रमुख मीनाकुमारी लामाले प्रमाण पत्र हस्तान्तरण गर्नुभयो । विन परियोजनाका अध्यक्ष विद्या आचार्यको अध्यक्षतामा भएको समापन कार्यक्रममा हेटौंडा–२ का अध्यक्ष विष्णुगोपाल महर्जन, उपमहानगरपालिका नक्सा शाखाका प्रमुख उद्धव रिमाल लगाएतको आतिथ्यता रहेको थियो । विनले नेपालका बिभिन्न ११ वटा पालिकामा सुरक्षित र उर्जा प्रभावकारी डिजाइन सम्बन्धी काम गरीरहेको छ ।

प्रकाशित मिति: बुधबार, पुस १०, २०८१ ०८:३१

प्रतिक्रिया दिनुहोस्