मेलम्चीमा किशोर किशोरीलाई मनोपरामर्श अन्तरक्रिया

समाचार

गृहपृष्ठ
समाचार

मेलम्चीमा किशोर किशोरीलाई मनोपरामर्श अन्तरक्रिया

सिधाखबर सोमबार, असार २, २०८२

मेलम्ची \ सिन्धुपाल्चोकको मेलम्ची नगरपालिका वडा नम्बर १२ बाहुनीपाटीमा अवस्थित जालपादेवी माध्यामिक विद्यालयमा किशोर किशोरी मनोपरामर्श तथा सरोकारवालाहरु सँग शैक्षिक अन्तरक्रिया कार्यक्रम सोमबारबाट सुरु भएको छ ।

कार्यक्रमलाई रुद्राक्ष समाज नेपाल काठमाडौं र नगरपालिकाको संयुक्त आयोजनामा एक हप्ता सुरुभएको हो । कार्यक्रम नगरपालिकाका विभिन्न ६ वटा माध्यामिक विद्यालयहरुमा सञ्चालन हुने छ । कक्षा ९ र १० का विद्यार्थी लक्षित कार्यक्रममा किशोर किशोरीलाई मनोपरामर्श सँग जोडिएका विषयवस्तुहरुमा अन्तरक्रिया गरिने आयोजक संस्थाका अध्यक्ष पुरुषोत्तम ठकुरीले बताए ।

अध्यक्ष ठकुरीको अध्यक्षतामा भएको कार्यक्रममा मेलम्ची नगरपालिकाका नगरप्रमुख आइतमान तामाङको प्रमुख आतिथ्यता रहेको थियो । कार्यक्रममा विद्यालय व्यवस्थापन समितिका अध्यक्ष जमुना माझी, विद्यालयका प्रअ ईन्द्रप्रसाद दुलाल, शिक्षा र मनोपरामर्श क्षेत्रका विज्ञ प्रशिक्षकद्धय ओम शर्मा चापागाई र इन्दिरा अर्याललगायतको आतिथ्यता रहेको थियो ।

कार्यक्रममा समाजका सचिव कर्णबहादुर मोक्तान, कोषाध्यक्ष प्रदीप तिमल्सिना, विद्यालयका शिक्षक, अभिभावक तथा विद्यार्थीहरुको सहभागिता रहेको थियो ।

प्रकाशित मिति: सोमबार, असार २, २०८२ २१:०९

प्रतिक्रिया दिनुहोस्