पहिरोका कारण कान्तिलोक पथ अवरुद्ध

समाचार

गृहपृष्ठ
समाचार

विपद् पहिरोका कारण कान्तिलोक पथ अवरुद्ध

सिधाखबर बुधबार, असार २५, २०८२

हेटौंडा \ वर्षाका कारणले पहिरो गएर कान्ति लोकपथ बुधबार बिहानदेखि अवरुद्ध भएको छ । मंगलबार राति परेको पानीले कान्तिलोकपथस्थित ठिंगन–वगुवा सडक खण्डमा पर्ने गंगटेमा गएको पहिरोले सडक अवरुद्ध भएको हो ।

‘सडकमाथिबाट ठूलो पहिरो खसेकाले बिहानदेखिनै कान्तिलोकपथ अवरुद्ध छ,’ इलाका प्रहरी कार्यालय ठिंगनका प्रहरी निरिक्षक विद्यासागर मेहताले भने,‘पहिरो पन्छाएर लोकपथ सुचारु गर्न प्रयत्न भइरहेको छ ।’

पहिरो पन्छाउन स्थानीयवासी, प्रहरी र डोजर प्रयोग गरिएको छ । कान्तिलोकपथ भएर हेटौंडाबाट काठमाडौंतर्फ जाने सवारी साधनहरु ठिंगनमा रोकिएका छन् भने काठमाडौंबाट हेटौंडातर्फ आउने गाडीहरु वगुवामा रोकिएका छन् ।

प्रकाशित मिति: बुधबार, असार २५, २०८२ ०९:२२

प्रतिक्रिया दिनुहोस्