मकवानपुरमा खैरो हेरोइनसहित दुई युवक पक्राउ

समाचार

गृहपृष्ठ
समाचार

मकवानपुरमा खैरो हेरोइनसहित दुई युवक पक्राउ

सिधाखबर बुधबार, साउन ७, २०८२

हेटौंडा \ मकवानपुर प्रहरीले खैरो हेरोइनसहित दुई युवकलाई पक्राउ गरेको छ । १ ग्राम ७१० मिलिग्राम खैरो हेरोइनसहित प्रहरीले कपिलवस्तु बागगंगा नगरपालिका–६ घर भई हाल काठमाडौंको बुढानिलकण्ठ नगरपालिका–१ मा बस्ने १९ वर्षीय विकाश राज पाण्डे र २२ वर्षीय कविन चन्दनलाई पक्राउ गरेको हो ।

पूर्वपश्चिम सडक खण्डमा पर्ने हेटौंडा उपमहानगरपालिका–१५ रातोमाटे चेकपोष्टका प्रहरीले बर्दिबासबाट हेटौंडातर्फ आउँदै गरेको बा ८८ प १९८१ नम्बरको मोटरसाइकल रोकेर चेकजाँच गर्दा मोटरसाइकल चालक पाण्डे र मोटरसाइकल पछाडी सवार चन्दनको साथबाट खैरो हेरोइन बरामद गरेको जिल्ला प्रहरी कार्यालय मकवानपुरका प्रहरी नायब उपरीक्षक एव प्रवक्ता श्यामु अर्यालले बताए ।

मकवानपुर जिल्ला अदालत हेटौंडाबाट लागुऔषध मुद्दामा म्याद थप अनुमति लिई थप अनुसन्धान गरिरहेको प्रहरीले जनाएको छ । चालु आवको ६ दिनमा प्रहरीले १० ग्राम खैरो हेरोइनसहित १५ जनालाई पक्राउ गरिसकेको छ । यस अवधिमा पक्राउ पर्नेमा ३ जना महिला पनि छन् ।

प्रकाशित मिति: बुधबार, साउन ७, २०८२ १६:५३

प्रतिक्रिया दिनुहोस्