उपनिर्वाचन सफल बनाएकोमा सबैप्रति आभार : सभापति बानियाँ

समाचार

गृहपृष्ठ
समाचार

नेपाली काँग्रेस उपनिर्वाचन सफल बनाएकोमा सबैप्रति आभार : सभापति बानियाँ

सिधाखबर बुधबार, मंसिर १९, २०८१

हेटौँडा / गत मङ्सिर १६ गते भएको स्थानीय तह उपनिर्वाचन शान्तिपूर्ण रूपमा सफल बनाएकोमा नेपाली काँग्रेस बागमती प्रदेश समितिले सबैप्रति आभार व्यक्त गरेको छ । काँग्रेस बागमती प्रदेश सभापति इन्द्रबहादुर बानियाँले बुधवार एक सन्देश जारी गर्दै स्थानीय तहको उप–निर्वाचन, २०८१ उत्साहपूर्ण रूपमा सम्पन्न भएको बताउनु भयो ।‘लोकतन्त्रको सुन्दर पक्ष निर्वाचन मार्फत निर्वाचित हुनुभएका सम्पूर्ण जनप्रतिनिधिहरू प्रति हार्दिक बधाई एवं सफल कार्यकालको शुभकामना व्यक्त गर्दछौँ ।’सन्देशमा भनिएको छ ।

उप–निर्वाचनलाई शान्तिपूर्ण, निष्पक्ष एवं उत्साहजनक रूपमा सम्पन्न गर्न गराउन महत्त्वपूर्ण भूमिका निर्वाह गरेकोमा नेपाल सरकार, निर्वाचन आयोग, राष्ट्रसेवक कर्मचारी, सुरक्षा निकाय, राजनीतिक दल, सञ्चार कर्मी तथा पर्यवेक्षक र मतदाता र पार्टी कार्यसमितिप्रति सभापति बानियाँले आभार व्यक्त गर्नुभयो ।मङ्सिर १६ गते बागमती प्रदेशमा एक नगर प्रमुख, एक गाउँपालिका उपप्रमुख र ५ जना वडाध्यक्ष गरी ७ स्थानमा निर्वाचन भएको थियो । जसमध्ये नेपाली काङ्ग्रेसबाट कीर्तिपुर नगरपालिकाको मेयर, कीर्तिपुर– १, कीर्तिपुर–४ र हेटौँडा–१२ मा वडाध्यक्ष निर्वाचित भएका थिए ।

No description available.

प्रकाशित मिति: बुधबार, मंसिर १९, २०८१ १४:०५

प्रतिक्रिया दिनुहोस्