गैरआवासीय नेपाली संघ पोर्चुगलको महाधिवेशन जुन ८ मा ! विभिन्न समिति गठन

समाचार

गृहपृष्ठ
समाचार

गैरआवासीय नेपाली संघ पोर्चुगलको महाधिवेशन जुन ८ मा ! विभिन्न समिति गठन

सिधाखबर आइतबार, जेठ १८, २०८२

लिस्वन,पोर्तुगल / गैरआवासीय नेपाली संघ, राष्ट्रिय समन्वय परिषद,पोर्चुगलको निर्वाचन आगामी जुन ८ तारिखमा हुने भएको छ । संघको गत मे २५ मा बसेको बैठकले राष्ट्रिय महाधिवेशनका लागि विभिन्न समितिहरु समेत गठन गरेको छ । महाधिवेशनलाई सफल बनाउन गम्भीरजंग गुरुङको संयोजकत्वमा निर्वाचन समिति बनाएको छ भने चक्र गुरुङको संयोजकत्वमा विधान संसोधन तथा मस्यौदा समिति निर्माण गरेको संघका अध्यक्ष दिपा काफ्लेले बताउनु भयो । यस्तै व्यवस्थापन समितिमा दिनेश खड्का,अतिथि सत्कारमा सरिता शर्मा, आर्थिक समितिमा राजकुमार गुरुङ र प्रचार समितिमा जयबहादुर केसीलाई संयोजक चयन गरिएको छ।यसअघि सर्वोच्च अदालतको परमादेशबाट गठित उच्चस्तरीय समितिले मे ३ र ४ मा संघको अन्तर्राष्ट्रिय समन्वय परिषदको महाधिवेशन काठमाडौंमा सम्पन्न गरिसकेको छ । यसैको मूल मर्म सहमति, सहकार्य र एकतालाई अनुसरण गर्दै पोर्चुगलको राष्ट्रिय महाधिवेशन सम्पन्न गर्न आफू लागि परेको अध्यक्ष काफ्लेले बताउनु भयो । यो पटकको महाधिवेशनले नयाँ नेतृत्व समेत चयन गर्ने काफ्लेले बताउनु भयो ।

मे पहिलो साता सम्पन्न राष्ट्रिय महाधिवेशनले महेश श्रेष्ठको नेतृत्वमा नयाँ कार्यसमिति चयन गरे पछि यही समितिलाई परराष्ट्र मन्त्रालयले मान्यता दिएको छ । संघको एकताको महाधिवेशन गर्ने भनेपछी नेपाली समुदाय खुशी हुँदै संघलाई एउटै सुत्रमा बाधन मतदाताहरु तल्लीन छ्न हामी पनि लागि परेका छौ सबैको सहयोग जुटेर,सबैलाई सहभागी गराएर महाधिवेशन गर्ने आफू लागि परेको अध्यक्ष काफ्लेले बताउनु भयो । संघको साख जोगाउन यो महाधिवेशन एतिहाशिक हुने उहाँको भनाइ छ ।

प्रकाशित मिति: आइतबार, जेठ १८, २०८२ ०१:१३

प्रतिक्रिया दिनुहोस्