पदमपोखरी अस्पताललाई स्वास्थ्य सामग्री

समाचार

गृहपृष्ठ
समाचार

स्वास्थ्य पदमपोखरी अस्पताललाई स्वास्थ्य सामग्री

सिधाखबर सोमबार, चैत ५, २०८०

हेटौंडा \ हेटौंडा उपमहानगरपालिका–१३ मा हेटौंडा उपमहानगरपालिकाले स्थानिय बासिन्दालाई आकस्मिक उपचारका लागि सञ्चालन गरेको पदमपोखरी अस्पतालाई स्वास्थ्य सामग्री हस्तान्तरण गरीएको छ । उपमहानगरपालिकाले गत पुसबाट सेवा सुरु गरेको ५ बेडको अस्पतालका लागि आवश्यक रहेको प्रयोगशाला सञ्चालनका लागि आवश्यक सामग्री आइतबार हस्तान्तरण गरीएको हो ।

चितवनको भरतपुरमा रहेको मेडिका इन्टरप्राइजेजले अस्पतालका लागि आवश्यक रहेको हेमाटोलोजी, प्रोटिन अटो एनालाईजर सहित प्रयोगशाला मेसिन र रिजेन्ट सहितको सामग्री हस्तान्तरण गरको हो । इन्टरप्राइजेजका सञ्चालक शिब हमालले ८ लाख रुपियाँ बराबरको सामग्री हेटौंडा उपमहानगरका प्रमुख प्रशासकीय अधिकृत रामबाबु पुरीलाई हस्तान्तरण गरेका हुन् ।

उपमहानगरले आवश्यक सामग्री अस्पताललाई पठाइसकेको जनाएको छ । चिकित्सक डाक्टरको सुबिधा सहित गाउँमै उपचार सेवा प्रदान गर्नका लागि उपमहानगरपालिकाले १३ र १६ नम्बर वडामा पालिका स्तरको अस्पताल सञ्चालन गरेको हो ।

प्रकाशित मिति: सोमबार, चैत ५, २०८० ०७:४५

प्रतिक्रिया दिनुहोस्